سكريبت كامل بقلم " منه محمد "
سكريبت كامل بقلم " منه محمد "
-ايوه يعنى انتي عايزه اى دلوقتي
_عارفه انتى منك لله اه والله ي بنتى بقولك فرح جوزك ع واحده تانيه انتى عقلك فين
-انا فهمت انتى عايزانى اروح بس هو معزمش عليا ولا قالى اصلا تصدقى قليل الاصل
_احييه بجد احييه انتى مفيش دم خالص
"عينى دمعت غصب عنى انا زعلانه لا انا مقهوره مش زعلانه بس هو اللى باع، باع حب خمس سنين مكملناش سنه جواز كل ده علشان الحمل اتاخر بس ده مش بايدى والدكتوره قالت مجرد وقت مش اكتر بس لا ازاى راح يتجوز واحده علشان تجيبله العيل اللى نفسه فيه مقاليش أنه هيتجوز عرفت من مامته جت وقالتلى "ياريت تخلى عندك دم بقا وتمشي مش كفايه ارض بور اهو شاف واحده تجيب حفيد للعيله" انا معاها أنها عايزه تشيل احفادها بس انا ذنبى اى ف كل ده دى حاجه بايد ربنا "
_طب خلاص متعيطيش انا اسفه بس انتى لازم تشوفى حل هتسيبي حبك كده يضيع بالساهل
"ماخدتش بالى انى انهارت ف العياط نفسي بدأ يضيق مكنتش قادره اتنفس بانتظام لغايه ما حسيت بحاجه سودا بتحاوطني"
_حمدالله ع سلامتك ي حبيبتى
-هو...اى اللى حصل
_قاعدتى تعيطي وبعد كده اغم عليكى انا اسفه انا السبب
-محصلش حاجه قوميني علشان الم هدومى قبل ما يرجع
_هتستسلمي خلاص مش هتحاربي
-حاربت كتير وكانت النتيجه اى غير أنه اتخلى عنى ف أول مطب يقابلنا
"لميت هدومى ونزلت روحت بيت اهلي هرجع وحيده تانى بما انى يتيمه ومعنديش اخوات بعت له رساله كان محتواها أنه يبعت لى ورقه طلاقى، دخلت اوضتى القديمه ونمت من كتر التعب"
" صحيت تانى يوم ع صوت خبط جامد ع الباب قومت ببطئ لأني عارفه مين اللى بيخبط فتحت الباب بهدوء عكس النار اللى جواها"
_ممكن افهم اى الرساله اللى حضرتك بعتيها وسايبه بيتك لى احنا مش كنا كويسين ولا هى هرمونات النكد لازم تطلع
