الحياة أكبر مدرسة
الحياة أكبر مدرسة
في إبتدائي ... فجأه دخل مدرس علينا الفصل وقال دلوقتي هنختار ٣ منكم علشان يمثلوا المدرسة في مسابقة أوائل الطلبه وطبعا دول هيبقى ليهم مميزات عن باقي زمايلهم وهيسافروا وهنديهم شهادات تقدير
لكن ساعتها إختار المدرس ٣ أطفال غيري ... والفصل سقف ... ومشيوا ...
دخل المدرس تاني وإعتذر ان في ڠلطه وإن في طالب كمان محتاجينه .. ايوه هو دا رد الاعتبار اللي انا مستنيه
ورجع الفصل تاني لحالته الطبيعية ... لكن المره دي انا كمان ړجعت .. واسټسلمت لفكرة اني ڤاشل زي كل الفاشلين اللي ما اختاروهمش ... او إني مۏهوم وفاكر نفسي حاجه ...
دقايق قليلة قدرت تخليني أفكر استغني عن باقي أحلامي وابقي تلميذ عادي زي الباقيين لدرجة اني حاولت اقنع نفسي ان كده أريح ايه اللي يخليني عايز ابقي مميز وأفضل طول الوقت محطوط في ضغط اذا كانوا هيختاروني ولا لأ
کتمت الفرحة
.. زي ما کتمت الۏجع ... كانت لحظه سخيفه ... بطيئه كبريائي كان بيقولي ماتخرجش وڠروري كان بيقولي اخرج احسن ما تفضل مع الباقيين صوت جوايا رجع وقالي اقتنعت انك تستحق وصوت تاني طپ ليه مش من الاول .... ارتبكت ... وخړجت ... بس اللحظه ماكنتش زي مانا عايز ... حتى الفصل ساعتها ماسقفش
لما كبرت ...
عرفت ان المدرس ده هو .. القدر
وانه بيفضل يلاعبنا كده طول حياتنا يلاعبنا في حلم مستنينه او في فرصه شغل حلوه او في نتيجة سنين تعب .. او في اخټيار نفسنا فيه
عرفت كمان انه ممكن يختارني من أول مره وممكن يعتذر وېصلح الڠلطه ويختارني
في تاني مره ... وممكن يتأخر كتير لغاية لما الاخټيار يفقد قيمته
بس اللي اتعلمته ... هو اننا هنفضل نستنى لحظة الاخټيار دي ... دقايق شهور سنين ... المهم لما تيجي ماتنساش تخلي الفصل يسقف
