سكريبت " قلوب منهكة" بقلم سولييه نصار
المحتويات
سكريبت قلوب منهكة بقلم سولييه نصار
يعني ايه يا دكتور !
قوتها وانا قلبي مفروض وعيوني مدمعة بصيت لباسل اللي كان قدامي وكان متوتر
بصلي الدكتور بشفقة وقال
وفقا للتحاليل يا مدام ضحي انتي مستحيل تخلفي
ابوس ايديك يا دكتور متقولش مستحيل ...اكيد فيه علا....
مفيش علاج للاسف حالتك صعب المبايض شبه منتهية ...فرصة انجابك معډومة
باسل نزل علي الأرض ومسك ايدي وقال
الحمدلله علي كل حال يا ضحي ...ربنا مبيجيبش اي حاجة وحشة ...واحنا مش هنفقد الامل ...
بس انا مكنتش سمعاه اصلا كنت مڼهارة وسؤال جوايا اشمعنا انا....بقلم سولييه نصار
........
في طريق الرجعة كان باسل بيسوق العربية وانا لسه ببكي
بس مقدرش اسكت ولا ابطل ...انا كنت بحلم بطفل ...طفل واحد يملا حياتي وحياة باسل ...هو ده كتير عليا يعني !!
......
يعني ايه يا ضحي الكلام ده !
قالتها حماتي فبصلي باسل بلوم هو مكانش عايز يقولها علي كلام الدكتور بس انا اصريت اقول الحقيقة ...جوايا كنت عايزة اشوف رد فعل حماتي اللي مفروض بتحبني لما. تعرف اني مش هقدر اجيب عيال
بس الدكتور ده كويس يا باسل انتوا بنفسكم قولتوا كده والتحاليل اهي
مش مشكلة يا ماما هنعمل التحاليل تاني وتالت وعاشر وحتي لو ربنا ما اردش هنكفل طفل
قامت حماتي وقالت بعصبية
ايه !!انت اټجننت ولا ايه يا باسل !
عيوني دمعت وحسيت قلبي. وجعني
ليه يا ماما قولت ايه غلط!!
دموعي نزلت وانا عارفة الحوار ده هيرسي علي ايه في الاخر ...مهما حبتني مستحيل تحبني اكتر من ابنها ولا تضحي بسعادته وسعادتها عشاني ....فكرت في اللحظة دي انسحب واهرب ..
يا ماما ده كلام سابق لاوانه لسه احنا بنحط احتمالات ولاحظي ان ضحي حاليا نفسيتها مش مستعدة تسمع كلام زي ده ...ودي ضحي اللي انتي دايما بتقولي انها اغلي مني عندك
بصتلي حماتي للحظات ...لثواني شوفت الحزن والشفقة في عينيها بس رجعت باردة تاني وقالت
ايوة هي غالية عندي وانا واثقة انها انسانة كويسة واصيلة ومش هترضي انها تظلمك معاها..وربنا احل ليك تتجوز اكتر من واحدة وده سبب مهم عشان تتجوز تاني !!!!
بس انا قاطعته وقولت
حماتي عندها حق يا باسل اتجوز انا مش معترضة طالما هتعدل بينا
انتي اكيد اټجننتي يا ضحي انا مش هتجوز
بصتله ببرود
متابعة القراءة
