اخوات جوزي العقارب بقلم هويدا زغلول

الام _الاصول يا بنتي ولازم تنفذيها روحي يا حبيبتي، وبعدها راحت

ثريا _ ايه يا ليلى خير كنت طالعه شقتك ولا ايه

ليلي _ لا يا حبيبتي انا جايه ليكي ومخصوص هي فيها مشكله ان انا اجيلك

ثريا_ لا ازاي يا حبيبتي اتفضلي ده البيت بيتك برده بس اصل انا متعوده انك بتيجي لشقتك ما بتدخليش عندي انا خالص

ليلي _ لا انتو وحشتوني قلت لازم اجي اشكم حتى احمد ما يعرفش ان انا موجوده هنا

وبعدها خرجت اسماء

اسماء _ ليلى غريبه يعني وانتي اصلا من امتى بتيجي تزورينا

ليلي طلعت علبه كل واحده فيهم.وقالت _ انا جيت بس علشان كنت حابه اجيب كل واحده فيكم هديه اتفضلوا

ثريا _ خاتم دهب وايه المناسبه يعني المفروض ان انتي بتجهزي نفسك دلوقتي ومش فاضيه تجيبي هدايا لحد

ليلي _ وانتم مش اي حد كفايه ان انتوا اخوات احمد معلش انا لازم امشي علشان مش قايله لماما ان انا هطول وبعدها مشيت

اسماء _ الخاتم شكله تحفه قوي بس من امتى الحدايه بتحد في كتاكيت من امتى وهي بتجيب لنا حاجه اصلا

ثريا _ هو النهارده كام ده النهارده عيد الام لما اشوف احمد بقى هيتصرف ازاي في الحوار ده

وبعدها احمد جه من برا كانو الاتنين عاملين يعيطوا

احمد _ يا فتاح يا عليم على الصبح مالكم في ايه انتي وهي عمالين تعيطوا ليه

ثريا _ والله مش عارفه اقول لك ايه عارفه ان انت هتظلمنا وهتيجي علينا برده ما هي ست الحسن والجمال عمرك انت ما بتغلطها ابدا

احمد _ يا ليلى عملت ايه تاني هي ثريا طلعوها من دماغكم بقى

ثريا$ اتفضل يا بيه خطيبتك جايبه لكل واحده فينا خاتم دهب وبتقول اصل انتم زي ماما فلازم اجيبلكم هديه عيد الام

احمد _ هي ما تقصدش الكلام اللي وصلكم بالظبط كده

اسماء _ هو انت شايفه ملك للدرجه شايفه ان هي عمرها ما بتغلط حرام عليك حس بينا ده احنا اخواتك

احمد _ على العموم هاتي انت وهي الخاتم وانا هروح وهتكلم معاها يعني حركه زي كده ما ينفعش تعملها تاني، وفعلا اخد الدهب ومشي

اسماء _ عاجبك كده حرام عليكي الخاتم كان طالع من عيني كان شكله حلو قوي

ثريا _لما نشوف بقى هو هيتصرف ازاي وهيجيب لنا حقنا ازاي، وراح احمد شقه ليلي

ليلي _ ايه ده معقوله انا فاكراك مش زعلان مني عشان عماله اتصل مش بترد علي ما اعرفش ان انت جاي

احمد _ انا عايزه اتكلم مع مامتك علشان عايزه اقدم ميعاد الفرح يا ريت الفرح يكون الخميس الجاي

ليلي _ الخميس الجاي ازاي ده في حاجات لسه ناقصه في شقتنا معقوله بسرعه كده قوي يا احمد وايه اللي حصل خلاك تقول كده

احمد _محتاج الجنب يا ليلى عايزك تكوني معايا في نفس البيت ارجوكي توافقي

ليلي _ والله اللي تشوفه يا حبيبي انا معاك فيه بس انت شكلك متضايق في حاجه حصلت ولا ايه

احمد _ لا يا حبيبتي ما فيش حاجه المهم عايزين ننزل نشوف الكوافير ونشوف كل حاجه

وبعدها فعلا راحت ليلي الاتليه

ليلي _ انا اسفه والله بس انا كنت عايزه اقدم ميعاد الفستان ينفع استلمه امتى

_ كنت عايزه اقولك ان اخواتك اللي كانوا معاكي جم وقالوا لي انهم عايزين يلغوا الفستان ده ويجيبوا فستان ثاني بس انا ما عملتش كده

ليلي _ اخوتي مين انا ما ليش اخوات قصدك اللي كانوا معايا هنا معقوله يعملوا كده ربنا يسامحهم

_ ارجوكي انا مش عايزه مشاكل الاتليه

ليلي _ والله مش هعمل مشاكل ربنا يسامحهم بقي علي اللي بيعملوا

وعملنا الفرح وكان تمام لحد ما حصل.

وجه يوم الفرح والفقرة بتاعت التورتة فجأه لقيت بوستر ل ثريا

عيد ميلاد سعيد واصاحبها دخلوا عند الديجي وقالو

ـ كل سنه وانتي طيبة يا ثريا اطلعي يلا عشان نقطع التورتة بمناسبة عيد ميلادك

بصيت لاحمد جوزي بعدم استيعاب وهو كمان بصيلي وهو مصدوم

ليلي بهمس: هو ايه اللي بيحصل يا احمد. هي هتطلع علي المسرح تحتفل بعيد ميلادة بالتورتة بتاعت الفرح اللي هنبدل بعديها الدبل!!!

احمد: معلش يا حبيبتي بس انا مش هقدر

اتكلم دلوقتي قدام الناس وابوظ الفرح

ليلي: طب ما بوظتلي الفرح اهو

احمد: يا حبيبتي مفيش حاجة باظت والله وخلي الفرح بس يعدي علي خير وانا هعملك كل اللي عايزه

ليلي _ لا مش هعدي الدنيا واقوم اقولها اللي هي بتعمله ده غلط

احمد _ ماشي حاضر يا ليلى وراح لاحمد جنب ثريا وقالها ينفع ان انتس بتعمليه ده،وبعدين نزل من عينيها دموع التماسيح وقالت

ثريا _ انت عارف يا حبيبي من يوم ما بابا وماما راحوا وانا عمري ما فرحت ما صدقت النهارده ان يكون عيد ميلادي مع فرحك عشان تبقى الفرحه فرحتين ارجوك اوعي تنكد عليا

باس احمد رأسها وقالها

احمد _ كل سنه وانتي طيبه يا حبيبتي افرحي

وفضلت ليلي متنكده