رواية قلوب مظلمة كاملة حتي الفصل الاخير بقلم سوليية نصار

-دي خسرت ابنها يا ماما....

ضحكت أمه بسخرية وقالت؛

-يعني هي أول واحدة تجهض عادي وبعدين ده حتي مكملش اربع شهور في بطنها ده دلع حريم... ربنا هيعوضكم بكرة المهم خليها تنزل بكرة تروق البيت اللي عامل زي الزريبة ده اختك يا حبة عيني سايبة مذكراتها وبتحاول ترتب على قد ما تقدر...

-بس يا امي هي لسه تعبانة

اتعصبت أمه وقالت،:

-تعبانة ايه يا واد ما خلاص خفت وبقت زي الجـ ـن..أيوة انت افضل دلعها كده لحد ما تدوس عليك وتتمرد علينا...يعني ايه عايز البيت يكون زريبة بالشكل ده..

-انزلي يا غزل امي عايزاكي وراكي شغل كتير تحت....
قمت بغضب وقولت:
-مش نازلة تحت أنا مش خدامة عند حد...بسبب امك أنا خ*سرت ابني عشان كده من النهاردة أنا مليش الا أرتب البيت ده لاما كده لاما نعيش برة بعيد عنهم..لكن امك دي دمرت حياتي 

مرت الايام وانا رافضة انزل أو اساعد يدوب بقضي شغل بيتي....صلاح بقا بياكل تحت وبعد عني وانا مهتمتش... أنا كنت متحطمة...حاسة بالذنب وبالغضب لحد ما في يوم سمعت صوت زغاريد...

نزلت تحت اشوف فيه ايه لقيت حماتي بتزغرد بفرحة بصتلي بشما*تة وقالت:

-،أنا محترمتهاش !!!ده انا خسرت ابني بسببها...انت سامع نفسك بتقول ايه....ابني راح لاني كنت بخدم امك ليل نهار في الوقت اللي اختك وامك مرتاحين انا الحامل كنت بخدمهم وغير كده كنت بسمع كلام يسم البدن منها ومكنتش برضي اقولك...ده جزاتي يعني...تتجوز عليا...