سكريبت " أدهم " بقلم " أميرة الكومي "

• كملي في ايه ؟ مش مطمنة بعد الكلام دا

_ لا خلاص كنت هسألك جيبتي المفتاح بتاع الاوضة القديمة ؟

•ايوه، انتي قلقتيني جامد، طب هي طنط وعمو جايين امته مش عجباني خالص اليومين دول

_ قالوا علي الشهر الجاي لان السفر بتاعها اتأخر علشان شغل بابا محتاجينه الشهر دا وماما معاه وبعدين أنا زي الفل متقلقيش

"خدتها من أيدها وفتحنا الاوضة وخليتها تروح تكمل شغل وقعدت أنا ادور في الملفات لحد ما وصلت لملف ذكي _ اول قضية اشتغلت عليها _كنت لسه متخرجه من الكلية ومتحمسه جدا للشغل

بدأت أقرأ في ملف القضية تذكرت أن ذكي واللي كان عنده حوالي ٣٥ سنه حصلت حادثة بين عربيتين عند الجسر نتيجة خطأ اثناء سواقة العربية خرجت عن المسار بتاعها ودخلت عربية تانية

 بس كان فيها أم والكاميرات لتوضح أن كان جنبها طفل عنده حوالي خمس سنين

حسب أقوال ذكي أنه حاول ينقذ السيدة ومعرفش وسحب الطفل من جنبها وأنقذه قبل ما العربية تغرق ولكن للاسف السيدة كانت توفت "

أخد الاوراق كلها ورجعت بيها البيت وحاولت اقرأها كويس اوي وفعلا لحد ما القضية انتهت واتقفلت كان دايما الحلقة المفقودة (الطفل ) ازاي كان مع السيدة دي وهي مش بتخلف بعد الحادثة اللي عملتها وهي في الشهور الأخيرة من الحمل واللي نتج عن كدا أنها فقدت الطفل وعايشة لوحدها هي وزوجها. ففي النهاية استقروا انهم يعملوا اعلان عن الحادثة ولكن مظهرش أهل الطفل وودوه الملجأ

بس اللي استوقفني أن محدش حضر الجنازة غير زوجها وأشخاص غريبة عن العيلتين وانا كنت موجودة بس محبتش اسأل عن التفاصيل ولكن الأكيد أن كان فيه مشاكل بين العيلتين