اختي عايزه تتجوز جوزي _ بقلم هويدا زغلول _ كاملة

منير 
ازاي اختك تدخل تنام في اوضه نومنا باللبس اللي هي لابساه ده انتي مش عارفه ان انا اول ما اطلع من بره بدخل اوضه النوم

سهي 
معلش والله يا حبيبي انا اللي خليتها تدخل تريح شويه بس مامتك اللي بعتتلي اضطريت ان انا انزل حقك عليا

منير 
ما فيش مشكله يا سهى بس اختك ما ينفعش تقعد معانا باللبس ده اختك بقت انسه مش لسه عيله

سهي 
حاضر والله هكلمها لما ادخل بقي احضر
الاكل وفي الوقت ده طلعت حماتي

الحما 
انت جيت امتى يا نن عين امك ده انا قلت هتعدي عليا لما تيجي

منير 
معلش والله ماما كنت راجع من الشغل حرام فقلت اطلع اخد دش وانزل اسلم عليكي ما تقعدي يا حبيبتي تتغدي معانا

الحما 
وهي مراتك المعدوله دي بتعرف تعمل اكل يلا خلينا نقعد وخلاص. بعدها خرجت ندي

ندي 
ازيك يا طنط عامله ايه والله العظيم وحشاني جدا ايه الحلاوه دي يا طنط انتي بتصغري ولا بتكبري

الحما 
بنت يا ندى هو انتي هنا اخس عليكي يا ج0زمه مش تاخدي عليا كنت تسلمي والله وحشاني وانتي على طول بكاشه كده

ندي 
ده انا كنت ناويه انزل ونسهر مع بعض انا وانت لحد الصبح بس يا رب ما تزهقيش مني

الحما 
عمري ما ازهق منك والله يا حبيبتي كان نفسي اشوفك انتي الاول يلا نصيب بقى وكنت 
وافقه في المطبخ وسمعت كلام حماتي 
وزعلت اوي بس مش من اختي انا عارفه 
ان حماتي عايزه تحرق دمي وبعد الاكل

سهي 
بعد اذنكم بقى يا جماعه لاني لازم ادخل اريح شويه

الحما 
جرى ايه يا اختي يعني بتقوليلي انزلي بالذوق ولا ايه في ايه ما انت طول النهار نايمه

سهي 
والله يا ماما قاعده انا من ساعه ما بصحى مع منير وهو رايح الشغل بفضل شغاله في الشقه لحد ما باكل بجد مش قادره اقعد والبيت بيتك ومعاكي ندى ومنير

الحما 
ادخلي ياختي مش عايزين منك حاجه وبعدها 
دخلت نمت وشويه ونزلت حماتي ومنير 
قال

منير 
انا داخل انام بقى يا ندى تصبحي على خير

ندي 
جرى ايه يا منير ده انا مصدقت اقعد معاك شويه اقعد اتكلم معايا شويه انا مخنوقه

منير 
ورايا شغل الصبح ومش قادر والله اقعد بعد اذنك