" هل جزاء الإحسانِ إلا الإحسان! " 🌺 💢 بقلم 💥عزة العمروسي💥
" هل جزاء الإحسانِ إلا الإحسان! " 🌺 💢 بقلم 💥عزة العمروسي💥
" لو كان فات عليه خمس دقايق كان م١ت! "
أنا بنت عشت طول عمري شقيانة،
بطلع واشتغل عشان أجهز نفسي مع أهلي لإننا كنا خمس بنات!
وكنت بقول دايمٕا إني لما أكبر هتجوز واحد غني،
يعوضني عن فقري وظروفي، لكن شوفت موقف في المحل اللي كنت شغالة فيه غيَّر تفكيري تمامًا..
زوجة كانت داخلة مع زوجها وكانت بتشتري لبس عيد الأم لحماتها
ولما فكرت تجيب لنفسها طرحة رمي الهدوم في وشها وسابها وخرج..
مهما شرحت مش هوصف كسرة نفسها قدامي،
حاولت تضحك وتضيع إحراجها..
مشيت ناحيتها وطبطبت عليها وحطيتلها الطرحة من غير ما تشوفني في الأكياس!
وخصمتها من فلوسي الشهرية،
ومن ساعتها قررت إني يوم ما هتجوز هاخد شخص حنين ورحيم،
ولو الدنيا قست يهوّن عليا بكلامه، وفعلًا جالي لكن ظروفه كانت صعبة
وبابا كان هيرفضه بس انا اتمسكت بيه، عشان شوفت في عيونه صدق مشوفتهوش قبل كدا في حياتي،
عملنا وفتحنا محل لبس صغير وكان جنبنا عم خالد راجل فاتح مكتبة صغيرة أوي
بيصرف منها على أيتام، وساعات البيع بيكون واقف جدًا معاه..
فاقترحت على زوجي نشتري منه سِبَح إلكترونية كتير أوي وأذكار الصباح والمساء
ونحطها في الأوردرات ونفرح العملاء وناخد حسنات
ومن ناحية نساعد عم خالد من غير ما نجرحه لإنه بيرفض أي مساعدات مادية،
وزوجي فرَح جدًا وبالفعل عملنا كدا.. وقسمًا برب من ساعة ما عملنا كدا
والبيع زاد وسيرتنا كبرت جدًا والثقة بينا وبين الناس بقت متينة.
