" هل جزاء الإحسانِ إلا الإحسان! " 🌺 💢 بقلم 💥عزة العمروسي💥
وكأن ربنا بيراضينا زي ما راضينا عم خالد وفكرنا صح!
وخدت قسم على نفسي إني هختم القرآن حفظ..
وكنت دايمًا ماسكة المصحف وبحفظ وانا بشتغل،
وعدت السنين وفي يوم لاقيت حد جايلي المحل وبيقولي
" الحقي ابنك في المستشفى! "
قفلنا المحل وجريت أنا وزوجي على المستشفى،
الدكتور قالنا إن مشى من بدري مع واحد اسمه عم خالد!
روحناله بيته فلاقينا الطبلية عليها أكل كتير أوي،
كفتة وكباب وفراخ مشوية ورز وسلطات وعم خالد بيأكل ابني وبيحلف عليه ياكل.
كنا مستغربين جاب الأكل ده كله منين؟ لإن ظروفه صعبة مهما كانت مساعدتنا ليه!
جريت على ابني خدته في حضني،
واكتشفنا إنه رجع من المدرسة جاله هبوط جامد وكان بيموت،
" الولد لعب كورة كتير مع نسبة أكل بسيطة،
ولو مكنش الراجل ده لحقه كان م١ت بعد خمس دقايق بالظبط لإن ده خطر على الدورة الدموية "
وقفت وانا باصة للسماء وبقول: معقولة!
الإحسان مبيروحش هباء فعلًا..
مساعدتنا البسيطة جدًا ليه كانت سبب في إنقاذ ابني عن طريقه!
الناس لما عرفت قصة تعب ابني وموقف عمل خالد الشغل وسع وبقينا ناخد منها كميات أكبر ❤
هل جزاء الإحسانِ إلا الإحسان!
لما تيجي تعمل خير متقولش فين المقابل!
المقابل بيجي من ربنا حتى لو فات سنين،
بس لما بيجي بيكون مُبهر بشكل هيصدمك ❤
عزة_العمروسي
