رواية إعادة حب بقلم هاجر عفيفي
هانم: ال حصل النهارده ده بيثبت أن فرح مش هتسيبك فى حالك
منار بغيظ: انا مش عارفه اتعامل مع زين بسببها قولتلك اقنعي زين ياخدلى شقه بره
هانم: مستحيل كان يوافق ابني وانا عرفاه
منار: وانا المطلوب مني اعمل ايه
هانم طلعت ازازه من شنطتها وقالت: هو ده ال هتعمليه
منار باستغراب: ايه ده
هانم: شويه من البتاع ده يخليها تخسر الطفل ال فرحانه بيه وكمان شاغله زين معاها وقتها زين هيكون ليكي ومعاكي
منار عيونها لمعت بخبث وقالت: هنفذ من بكره
زين: فرح ايه رأيك لو سافرنا انا وانتي يومين نغير جو
فرح بدون ماتبصله: لاء
زين: ليه
فرح: عشان مش هقدر اسافر انت ناسى أن ممكن أولد فى أي وقت وبعدين يازين متفتكرش ان هنسى ال انت عملته بسفريه وبخروجه انا جرحي منك اكبر من كده بكتير
زين بندم: ليه متسامحنيش يافرح انتي دايما بتسامحي
فرح وقفت وقالت: اسامحك لو انت مردتش عليا زعلتنى علشان حاجه عاديه لكن انت اتجوزت عليا وعشان ايه عشان والدتك
زين: صدقيني كل حاجه هتتصلح قريب
فرح بسخريه: وياعالم قريب ده هيكون امتي انا مش عارفه ايه مبرر انك تتجوز ال سابتك وهربت قبل كده بس دي حاجه ترجعلك انت ووالدتك امك عمرها ماحبتني يازين ودايما بتحاول توقع بينا
زين: مبيكونش قصدها اكيد هي بتخاف عليا
فرح بتنهيده: ال يخصني دلوقتي أن هي دمرت بيتي رغم أن يشهد ربنا ان كنت بعاملها زى والدتي واكتر بس انا بنت ناس يازين مش جايه من الشارع
زين مسك أيدها وقال: انتى ست البنات كلهم
فرح بحزن: مبقتش اتقبل كلامك للأسف عن أذنك هدخل انام
زين غمض عيونه وقال: فرح بلاش تدمرى حياتنا بالسهولة دي
فرح بسخريه: انت ال دمرتها من الاول يازين
قالت كلامها ودخلت اوضتها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
