رواية حماتي دمرت حياتي كاملة بقلم هويدا زغلول
الام
اه بس بشرط مش هخلي بنت الزبال تكون
من الهوانم لو وافقت علي شرطي هخليك تتجوزها
رؤوف
اي شرطك يا امي قولي بسرعه
الام
تفضل معايا هنا في الشقه يا عين امك انا ست
صاحبه مرض ومقدرش اعيش لوحدي
رؤوف
طيب اي رايك اقعد في شقتي اللي فوق اول جوزنا بس وبعدين ابقي انزل اقعد معاكي هنا
الام
قولتك لا انا مش عايزه اعودها علي أن يكون
ليها شقه وبعدين هي كانت تحلم انك تتجوزها اصلا هو ده شرطي يا رؤوف قولت عليه ايه
رؤوف
اللي انتي عايزه يا ماما انا ما اقدرش اقول لك لا على حاجه وفي الوقت ده لقيت حماتي داخله المطبخ عندي وبتقولي
حماتي
اسمعي يا ايه بصراحه كده انا ما اقدرش اعيش من غيرك وطالما انت مش عايزه تكوني في البيت هنا شغاله انا قررت اجوزك رؤوف رايك ايه
وفي الوقت ده انا كنت فرحانه اوي وقولت ليها
ايه
انتي بتتكلمي بجد والله العظيم انا هخليكي جوه عيوني وما تعرفي انا هعمل معاكي ايه بجد انا نفسي تعامليني زي بنتك وبطلي طريقه اللي انتي بتكلميني بها دي انا واحده امها ماتت وهي صغيره ونفسها تحس ان ليها ام
حماتي
ان شاء الله نبقى نشوف الموضوع ده بعدين بس في حاجه رؤوف مش هيطلع في شقته اللي فوق هتتجوزي معايا هنا في الشقه رايك ايه
ايه
اللي حضرتك تشوفيه انا ما اقدرش اقول لك لا عليه وبصراحه انا كنت عايزه اتجوز رؤوف لاني كنت حاسه انها تكون مرتاحه لما اتجوزوا وقلت يمكن لما اكون مرات ابنها تعاملني باسلوب حلو زي ما بتعامل باقي سلايفي
وفي الوقت ده كنت في اوضه في الشقه ولقيت
ليلي داخله عليا وبتقولي
ليلي
الف الف مبروك يا ايه والله انت بنت حلال وتستاهلي كل خير وعلى فكره رؤوف غير امه خالص انسان كويس ومحترم وشكله بيحبك فعلا
ايه
بصراحه انا حاسه ان هو طيب بس مش عارفه ليه مش مرتاحه لمامته حاسه اني برده هفضل تعبانه معاها
ليلي
اسمعي يا ايه الوضع هيختلف لما تتجوزي عندك انا مثلا بتكلم مع فؤاد ان مش عايزه انزل كل يوم هنا عند مامته بقولوا بسبب ب
موضوع الحمل بس انا بصراحه ما بطيقش اقعد معها ساعتين على بعض على الاقل ما بقولش خليكي زي بسنت وحشه بس خليكي زي في حالك
ايه
ارجوكي يا ليلى انا عايزاكي جنبي لان بجد مش عارفه هعمل ايه في البيت ده كده وانا لوحدي
ليلي
امسكي يا ايه الشنطه دي فيها شويه هدوم والله هدوم جديده انا لسه شارياها ليكي برده عايزاك تحسي انك عروسه وفي الوقت ده دخلت حماتي وقالت
