سكريبت " المجنونة التي أحببتها " بقلم نور ناصر
بره ده..
الهام بتوتر: ندي انا هقولك ع حاجه باباكي حالف مقولك عشان خايف ترفضي..
ندي بأهتمام: خير ي ماما..؟
دخل احمد للاوضه وقالهم: مـ يلا ي جماعه الناس قاعدين بره بقللهم كتير لوحدهم..
قامت ندي بسرعه وقالتله: حاضر ي بابا، هروح اجيب العصير من المطبخ وجايه..
احمد بهدوء: ان شاء الله ولو متمتش عادي احنا بنتنا لسه صغيره وهنفرح بيها فأي وقت برضو، بس انتي اللي خلاكي تقولي كده؟..
_ كانت ندي طالعه للصاله اللي يوجد بها خالد وعيلتها وعيلته وهي بتبص للارض بأحراج، وبعدين وقفت بصدم#مه بعد ما سمعت احمد وهو بيتكلم..
محمد بسعاده: ده نورك ي احمد والله ونور عروستنا القمر..
_ رفعت هي رأسها فشافته هو وبيبصلها بأبتسامه واسعه، لتشهق بصدم#مه ووقعت من ايديه المشروبات...
ندي وهي تشير لخالد بغضب: الواد ده بيعمل اي هنا؟..
حط خالد رجل فوق التانيه وبعدين عدل ياقة قميص بدلته بثقه وقال: جاي اخطبك وبعدين اتجوزك..
الهام بخوف: انا مليش دعوه والله باباكي هو اللي قالي مقولكيش..
خالد ببعض حده: خفي هبل يلا وتعالي اترزعي عشان نقرا الفاتحه..
ندي بغيظ: الفاتحه دي اللي هتتقري عليك لو مطلعتش بره دلوقتي..
شاورت لمحمد ورجاء وقالت بهدوء: طبعا الكلام ده مش ليك ي اونكل محمد انت وطنط رجااء...
خالد بجديه: وانا مش هتحرك من هنا غير لما نقرا الفاتحه.
ندي بغيظ شديد: والله عمري مشوفت بجاحه كده يشيلني الماده اول امبارح ويخطبني النهارده، انهي يالا الحوار واتكل ع الله يلاا احسنلك..
خالد ببرود: قولت لا ومش همشي غير لما توافقي..
ندي وهي تمسك قطعت الجاتو وقالت بغضب: انت اللي جيبته لنفسك..
ـ خلصت كلامها وضربت خالد بيها علي هدومه تحت صد@مة الجميع وغضب خالد الشديد منها..
_وقف خالد بغضب ووقف قدامها ليقف الجميع بخوف..
خالد بحده: محدش يدخل خليكم قاعدين احسنلكم..
ندي وهي بترحع لروا بخوف من نظراته الغاضبه: ابعد يالا والا اقسم بالله هعورك..
خالد بغضب: وبعدين مش هتعقلي؟..
ندي بابتسامه بلهااء: وجناني ده عين العقل..
خالد بغيظ: مبهزرش..
ندي بحده: وانا كمان مبهزرش انت مش جاي تطلبني للجواز وانا بقولك مش موافقه طريقك اخضر بقي..
خالد بهدوء وثقه: بحبك..
نظرت له هي بصدم#مه وقالت: اي!!!!...
خالد بصدق وجديه: معرفش ازاي وامتي بس اللي يخليني اجي اخطب وحده دماغها فالمهلبيه وانك تشغليني من اول يوم شوفتك فيه بالشكل ده اكيد هو اني بحبك..
ندي بتوتر: وو وانت اي اللي جابرك تخطب وحده دماغها فالمهلبيه؟.
خالد بهدوء شديد: كتير، طيبتها مثلا وجمالها وجنانها وحاجات كتير محدش شافها ولا هيشوفها فيكي غيري..
احمد بغيظ: احمم ي دكتور خالد احنا هنا...
ندي بحده: استني بس انت ي ابو حميد..
بصت لخالد وقالت من غير متاخد بالها: هيييح كمل، اا اقصد يعني انا مش مقتنعه بكلامك ده..
خالد بحاجب مرفوع: وحياة امك..
