سكريبت " المجنونة التي أحببتها " بقلم نور ناصر
ساب احمد الاكل من ايده وقالها بخوف: ي منجي من المهالك ياارب، احكي يلاا..
_ حكتله ندي اللي حصل بينها وبين خالد من اول مره شافته فيها لحد مخلاها تاخد صفر فاعمال السنه»..
احمد وهو يمسك رأسه بألم: هتعبك ي حبيبتي تناوليني حباية الضغط من جوه..
الهام وهي تجري لجوه عشان تجيبله البرشام: حاضر ي حبيبى..
احمد بغيظ: ياارب اديك شايف لوحدك ياارب، ادعي عليها ولا اعمل اي نجينا منها ياارب..
ندي بمرح: انت بتضرب بودره ولا اي ي حجوج..
الهام: اهدي ي احمد انت عشان متتعبش، وسيبكم من الموضوع ده وركزو ففرح النهارده، شكله في عيس ليكي ي ندوش..
احمد وهو يمشي من قادامها بغيظ: حد متعرفهوش اعقلي انتي بس والنبي خلينا نخلص..
ندي وهي تجري لاوضتها: تعليم اي بس ودوني ع بيت حبيبي نعيش مع بعض فيه..
الهام بهدوء: متقلقش انا هظبط الدنياا..
«فالفرح»..
خالد بملل: ي جماعه انتو جايبيني معاكم لي، انا معرفش حد هنا..
رجاء مامته: ي بني اهو فرح وحاجه تفرفش عليك، وبعدين بصراحه انا وابوك جايبنلك عروسه..
خاد بأبتسامه واسعه: هو ده الكلام، طيب كنتو قولو كده من الاول..
محمد بمرح: عملنهالك مفجأه وكمان لسه لما تشوفهاا..
خالد. بحماس: انت شوفتها ي حج..
رجاء: لا ي حبيبي ابوك يعرف ابوها بس، هي بنت الدكتور احمد بس انا شوفتها قبل كده مع مامتها فالنادي من بعيد قمر وحلوه جدا..
خالد بحماس: طيب ع خيرة الله هي فين بقي؟..
محمد بابتسامه واسعه: اهم جم..
_«بص خالد للمكان اللي شاورله عليه محمد، فشاف الدكتور احمد ومراته جنبه داخلين القاعه ومعاهم بنت لابسه فستان اوف وايت رقيق جدا وشعرها طويل جدا حطاه ع كتفها،بس مقدرش يشوف وشها عشان كانت بتبص جوه شنطتها...
_ وبعد شويه رفعت رأسها، حتي تحولت ملامح خالد من الهدوء للصدم#مه والغضب»..
بص خالد لباباه ومامته وقالهم بعصبيه: ملقتوش غير دي..
رجاء بقلق: مالها دي ي خالد؟...
قاطعهم صوت احمد وهو يقول بهدوء: السلام عليكم ي حج محمد..
رد عليه محمد وهو يقف ويسلم عليه: وعليكم السلام ي احمد..
وبعد كده سلم ع الهام: اهلا وسهلا ي دكتوره الهام اتشرفت بمعرفتك..
الهام بهدوء: الشرف ليا ي حج محمد..
وقفت رجاء هي كمان وسلمت عليهم، وبعدين بصت.لندي باعجاب شديد من جمالها: ازيك ي ندي ي حبيبتي..
ندي بهدوء مصطنع: ازاي حضرتك ي طنط..
محمد بنصف عين: انا شوفتك فين قبل كده؟..
