رواية حضرة المدير (كاملة جميع الفصول) بقلم سوليية نصار
رواية حضرة المدير (كاملة جميع الفصول)بقلم سوليية نصار
-انا عايزة اتجوزه بصراحة لما اعمله سح*ر اسود
قولتها بصراحة تامة اقرب للبجاحة …بصتلي امي وقالت:
-شوفي البت البجحة عايزة اعرف كنتي فين وانا وبربي اخواتك …دول اخواتك الرجالة يتكسفوا ما يقولوا كده …
-الله يا حاجة كوثر يعني اخبي عليكي مثلا واتجوزه من وراكم واجيبلكم الع*ار …واهر*ب واخواتي يط*اردوني ويفضلوا يقولوا التا*ر ولا العا*ر!!
هزيت راسي وانا بضحك وقولت:
-ده كفاية أن اسمه زيكو..ده سبب كفاية اني ارفضه تخيلي اجيب لولادي اب اسمه زيكو دوول لا هيسامحوني دنيا ولا آخرة!!!وبعدين زيكو ده مناخيره كبيره …
-بس الواد مناخيره صغيرة حرام عليكي..
-لا يا امي كبيرة …بيحشرها في حياتي بدل ما يخليها في وشه …ده سألني في مرة بقبض كام …وانا ليا خصوصياتي !!
ضحكت امي بتريقة. وقالت:
-خصوصيات ايه يا ام خصوصيات …ده العيلة كلها تعرف بتأخدي كام من شركتك دي..دوول هما خمس تلاف عمي قا*رفانا بيهم …
-يووه يا ماما قصره زيكو ده لو اخر راجل مش هتجوزه !!عارفة لو هخلل كده ويأكلوني جمب الرز والبامية برضه مش هتجوزه امين !
……
تاني يوم …
كنت قاعدة في المكتب اللي بشتغل عليه بس بصراحة مكنتش بشتغل كنت ببص علي اسر مديري وانا مبتسمة زي الهبلة….
-فاتحة بوقك زي الجح*ش ليه ؟!!
اتنفضت وانا بسمع رأفت زميلي في الشغل وهو بيكلمني …بصيتله بقر*ف وقولت:
-اه انت رجعت من اجازتك وهتقر*فني شكلك …فين مراتك تأخدك وتحل عني …
ضحك رأفت وقال:
-يا بت بطلي الدبش اللي انتي بتحد*فيه ده يخربيتك..مش هتتجوزي …
بصيتله بفزع وقولت:
-بجد تفتكر المدير مش هيتجوزني واضطر البس في زيكو اللي حاشر مناخيره في حياتي …
ضحك رأفت وقال:
-انتي لحد دلوقتي مقدرتيش تعملي حاجة افتكرته معجب بيكي …
هزيت كتفي وقولت:
-فعلا هو معجب بيا بس شكله مكسوف اروح اعترفله أنا
-طب اقولك اخليه يعترف هو …
-ازاي
قالها بحيرة فقولت:
-بص أنا هروح واقوله اني هتجوز وهو يتلحلح ايه رأيك …
-وافرص متلحلحش هتعملي ايه …
اتنهدت بتعب وقولت:
-هعمله سح*ر
-نعم يختي
صرخ رأفت فيا فكملت:
