رواية حضرة المدير (كاملة جميع الفصول) بقلم سوليية نصار
بصيت لوسام وقالت:
-وسام خلي جوزك يمشي من هنا انا مش ناقصة !سيبوني في همي خلاص الراجل ضا*ع مني وشكلي هلبس في زيكو …
-والله حاسس من كتر تنمـ*ـرك علي زيكو هتلبسي فيه فعلا..
قالها رأفت وهو بيضحك …بصتله بغضب فمشي بسرعة ….قعدت وسام تطبطب عليا وقالت:
-متقلقيش هنلاقيلها حل …
بصتلها وقولت:
-مفيش الا حل واحد
-ايه هو؟!!!
-هروح اعترفله بحبي واطلب استقالتي...
وبعدين مشيت …
-يا مجنونة استني
قالتها وسام بصد@مة بس انا تجاهلتها ومشيت …الراجل الطويل هيروح من أيدي لازم اتصرف …
……
كان أسر قاعد في مكتبه متضايق وهو بيبص لإلهام وهو متضايق وقال:
-الهام انتي مش خطيبتي فبطلي تقللي من نفسك اكتر من كده …
-بس انا بحبك يا اسورة
-حبك برص
-الله يسامح ابويا اللي غلط ووعد ابوكي واحنا صغيرين يا بنتي افهمي أنتي اختي مش اكتر من كده …
-مش يمكن لما تتجوزني تحبني ادي نفسك فرصة انت هتلاقي احلي مني فين يعني…
اتنهد وقال:
-الهام حبيبتي
-نعم يا روحي
-اطلعي برة بدل ما اجيب الأمن يطر*دوكي …
قامت الهام وقالت:
-هيجي يوم وتحبني وتشوف يا ابو طويلة انت
طلعت الهام من المكتب وبصت ولقيتني قدامها بصتلي بقر*ف ومشيت …
-اومال لو كنتي تخينة شوية هتتعملي ايه وانت شبه سلاكة الاسنان كده …
وبعدين دخلت المكتب …
قلبي دق وانا بشوف المدير بيشتغل. ابتسمت زي العبيطة وانا بفكر أن ربنا اداله كل حاجة …فاضل بس يبقي جوزي عشان تبقي حياته مثالية..
-نسرين انتي الوحيدة اللي هتساعديني دلوقتي …
-اؤمر يا مدير..
-انا عايزك تتجوزيني
اتصدمت في الاول بس بعدها بثواني زغرطت وقولت:
-اللهم صلي علي النبي شقطت المدير.
-ايه اللي انتي بتعمليه ده يا مج*نونة !!!
قالها بصد@مة وهو بيبصلي …كان مصدوم ومش مستوعب اللي قولته وعملته ولا انا والله كنت مستوعبة …كنت حاسة اني هبـ*لت وعملت حاجات هبلة وقولت كلام اهبـ*ل زي عادتي ….
-بهزر معاك ….
وبعدين صدرتله الوش الخشب وقولت:
-وانا اصلا مش عايزة اتجوزك …أنا هتجوز واحد وسيم عيون زرقا انت عيونك رمادي متنفعنيش …
– أنا مش هتجوزك حقيقي دي لعبة …
-ايه لعبة؟!!
قولتها بخيبة أمل …يعني مقدرتش أشقط المدير …هز هو رأسه وقال:
-تعرفي ألهام اللي جات هنا ؟!
-تقصد البنت اللي شبه سلاكة الاسنان …
قالها بغضب …هزيت كتفي وقولت:
-اسفة يا مدير …
شاور علي الكرسي وقال:
-اقعدي عشان افهمك كل حاجة….
قعدت وانا مستنية يفهمني الموضوع …
اتنهد وقعد وقال:
-الهام تبقي قريبتي ابويا وأبوها واحنا صغيرين قالوا هيجوزونا لبعض وانا لما كبرت شوفتها مجرد اخت بس هي مش قادرة تشيل الفكرة دي من دماغها ولازقت فيا وانا قفلت منها فأنتي عليكي ايه انك تعملي انك خطيبتي كدب يعني …
-وليه كدب يا فقري ما تتجوزني وتخلص أمة لا اله الله عرفت اني بحبك وانت تو*ر ولا بتفهم..
قولتها بصوت واطي فرد وقال:
-بتقولي حاجة يا نسرين …
-لا يا مدير مبقولش…
اتنهدت وقولت:
-بصراحة يا مدير ده طلب صعب …خصوصا أن ليا معجبين وانت كده هتوقف حالي..
-معجبين
-اه طبعا معجبين وبيجروا ورايا عشان يتجوزوني بس رغم كده هضـ*حي وابقي خطيبتك كد*ب يعني …بس طبعا ليا طلباتي …
-اطلبي يا اختي …
