رواية حضرة المدير (كاملة جميع الفصول) بقلم سوليية نصار
قربت وانا بقول:
-عايزة الف جنية زيادة علي مرتبي..
-نعم يا اختي !!!
-انت هتردحلي يا آسر …
حط أيده علي قلبه وقال:
-آسر حاف …
-اومال بالجبنة يعني …
خبط علي الترابيزة وقال:
-انا المدير بتاعك يا هانم
-كنت المدير …انت دلوقتي خطيبي …وهتبقي قرة عيني ولازم استفاد من الموقف أيوة والا والله اقول لأستاذة الهام كل حاجة …
-ايوة
قولتها من غير كسوف وكملت:
-ركز معايا بقا …أنا هخلصك من البنت دي وانت تزودلي ألف بس
اتنهد وقال:
-تم خلاص فيه حاجة تاني ساعدتك …
-اه تجيبلي دبدوب كبير ويكون اطول مني …
-هو أنا بتكلم مع بنت اختي يا نسرين متجننيش امي …
-يا مدير أنا هخلصك منها … صدقني ملكش غيري …
اتنهد بغيظ وقال:
-لا خلاص كده
اتنهد وقال:
-تمام كده بكرة هاخدك واعرفك علي اهلي بإذن الله …وهنعمل خطوبة مؤقتا فترة كبيرة كده عشان تحل عني …
-تمام …
ابتسم ليا ابتسامته كانت حلوة اووي وقال:
-مش عارفة اشكرك ازاي …
-اتجوزني ويبقي كتر خيرك..
قولتها بصوت واطي فقال:
-بتمرطمي تقولي ايه ؟!!
ز*عق فرديت بسرعة:
….
طلعت من مكتبه وانا ماشية كأني طايرة…ياااه هتخطبله ونرقص سلو …
وقفتني وسام وقالت:
-ايه اعترفتيله
-لا …بس هنتجوز…
-نعم
صرخت وسام بصد@مة …
……
بالليل …
كنت قاعدة في الصالة لوحدي امي راحت زيارة لقرايبنا وانا كنت بتدرب ازاي هقولها علي الكار*ثة اللي عملتها …والله شفقانة علي الست دي كل يوم اجيب في أيدي كار*ثة من برة واصدمها … خايفة تحصلها حاجة بسببي …
كنت بتمرن قدام مرايا الصالة علي اللي هقوله بس أول محاولة محستهاش نافعة …اخدت نفس وقولت:
-ماما أنا هتجوز….لا لا لاحسن تجيلها جلـ*ـطة لا قدر الله …
غمضت عيني وانا بقول بصوت عالي:
-ماما انا اتجوزت المدير بتاعي وجبتلكم العا*ر!!
فجأة فتحت عيني ولقيت امي واخواتي الولاد واقفين عند باب الشقة بيبصولي بصد@مة …
-يا جم١عة والله متجوزتش أنا كنت بهزر …
قولتها وانا ببكي لامي واخواتي بيربطو*ني في الكرسي …
امي بصتلي وقالت:
-انتي هتجيبلنا العا*ر والله …خلاص لو معملتش كده معاكي هتجلطيني فلازم اتصرف …
-وحياتك عندي يا امي متجوزتش..
-متحلفيش بحياتي..
اتنهدت وقولت:
-والله متجوزتش …اقسم بالله كنت بهزر انتي عارفة هزاري تقيل …
-مش مصدقاكي …
