رواية خاطفة القلوب كاملة (جميع فصول الرواية) بقلم ميرفت السيد
تيم: اعمل إيه انا لما اتكلمت ضربوني
رد. زوج اخر: انت المسئول روح اتفاوض معاهم
ردت زوجته مروة: ايوة صح يامحمد
ريم: اظن كلنا موافقين على الرأي دة
ريماس: بصراحة ياتيم معاهم حق انا اشتغلت معاك من فترة قصيرة والناس دي جت ببلاش بناء على طلبك والازواج دول جم لرخص اسعارك مقابل الدعاية اظن حقنا نقلق من تورطك فانت اثبتلنا براءتك
تيم: حاضرياجماعة
ونظر حوله ليجد رجال العصابة يراقبوهم فنهض وقال لمساعد الزعيم: لو سمحت
اقترب المساعد منه وقال: في ايه
تيم: استأذن الزعيم انا عاوزه بكلمتين
المساعد: تمام استنى هنا
وذهب وبعد قليل عاد واشار لتيم بالمجيء
الكل يراقب الموقف بقلق
امير: ربنا يستر
ريم: انا نفسي افهم هما عاوزين ايه مننا
اشرف: ربنا يخلصنا منهم على خير
بعد مرور ساعة رجع تيم وهو متوتر وقال:
تيم قال بلكنته اللطيفة: للأسف هما غرضهم مش مني
ريم: نعمممم يعني ايه
امير: امال غرضهم إيه
تيم: حد منكم دة إلي انا فهمته
ريماس: حد مننا يعني ايه
قاطعهم صوت مساعد الزعيم: اتفضلو غيرو دة وقت نزول المية
الكل بصوا لبعضهم باستغراب ومحدش اتحرك
فالمساعد شاور لرجالته الي رفعوا اسلحتهم في وش المخطوفين وقال: كلمتي مش هاكررها قدامكم نص ساعة وتكونو هنا
الكل اتحرك للغرف باستسلام وغيروا ملابسهم ورجعو لقوا جوليا بتطلب منهم ينزلو: اتفضلو بسرعة
الكل نزل بس جوليا وقفت بنت منهم اسمها مريم وقالتلها: استني انتي
وشاورت لراجل من العصابة جه اخدها لغرفة الزعيم
الكل نزل المية وهما قلقانين شوية وجوليا جت ندهت على بنت تانيه اسمها مي واخدتها معاها
اشرف: متقلقوش اكيد البنتين دول ليهم علاقة بسبب الخطف
مروة: ليه بتقول كدة
عبير: عندي احساس بكدة برضه
ريماس لريم: هو في إيه
ريم: انا خايفه اوي
الكل كان بيعوم بس محدش مستمتع بعد ساعة طلبوا منهم يرجعوا لغرفهم ويغيروا وينزلو في وقت الغداء
وبعد الغدا الزعيم جمعهم.كلهم قدام حمام السباحة وقال:دلوقتي انا عاوز اطمنكم ان مريم ومي بخير متقلقوش
ريماس بحدة: واحنا نضمن منين وبعدين كل خاطف له طلبات انتو عاوزين إيه
جوليا قربت منها ولسة هترفع ايدها عشان تضربها دفعتها ريماس فوقعت بالبسين
وباشارة من الزعيم لرجال العصابة تركوها ومحدش ساعدها تطلع
وقالهم بعصبية: رجعو كل المخطوفين لغرفهم ماعدا ريماس دخلوها غرفتي
لم تقاوم ريماس كانت ثابتة ومش خايفة
وسط بكاء، ريم وبعض البنات ابتسمت ريماس وقالت لاختها متخافيش عليا
طلعت جوليا من المياه فصفعها الزعيم وانصرف غاضبا
ادخلو ريماس غرفه ملكية وقيدوا يديها ووضعو شربط لاصق على فمها واجلسوها على كنبة صغيرة
اشارلهم الزعيم بالانصراف وجلس على مقعد وثير يشبه مقاعد الملوك امامها
ونظر اليها ثم نهض وادارلها ظهره ونزع قناع وجهه وهي تنظر له بحدة
ثم التفت اليها لتراه لأول مرة كان شابا وسيما للغاية ملامحه وقسمات وجهه الرجولية وابتسامته الجذابة
جلس امامها واضعا سلاحه على الطاولة ونزع عنها الشريط اللاصق وٱلمها فعله
فابتسم وقال: اسف
لم تجبه
فقال لها بهدوء: بصي ياريماس انا مش عاوزك تتثورجي وتخلي الكل يقلدك احنا مهمتنا معاكم قربت تخلص
ابتسمت بسخرية: انتو مين اصلا
فقال: مش لازم تعرفي الاهم. عندنا انك تحافظي على خياتك وحياة اختك وامك كمان
ريماس بعصبية: قسما بالله لو مسيت شعرة من حد فيهم ها....
فامسكها من شعرها وانحنى مقتربا منها وقال بهمس: هتعملي إيه انتي عارفة انتي بتهددي مين
