رواية تحت ضي القمر (كاملة جميع الفصول) بقلم روان مسلم

ميرا=دي علشان وجع ٨ سنين فاتوا..... وانت معندكش الشجاعه تيجي تقول اسف 

علي بدء يبكي وهو يقول =اسف..... اسف انا حيوا*ن  وحق*ير ومستحقش حبك ليا ولا كنت استحق وجودك في حياتي 

ميرا قد بدأت عينيها تترغرغ بالدموع =وغبي كمان 

علي =وغبي...... مسمحاني 

ميرا حركت رأسها بمعني نعم وهنا صرخ علي بصوت عالي 

علي =مولانا يلا اكتب بسرعه.....قبل ما تهرب أو ترجع لعقلها يلا يا مولنا ....اسم العريس علي العروسه  اسمها قلب علي من جوا 

ميرا =علي انت بجد بتحبني 

علي =انا مش بحبك انا بعشقك انا ٨ سنين بحاسب نفسي علي خسارتك.....استني بس انتي جيتي ازاي؟

نظرت ميرا ل أمير وبدر 

علي =انتو كنتوا عارفين انها جايه ومش قولتوا حسابي معاكوا بعدين 

###########################

بعد أن ترك أمير ضي وأعطاها فستانها ذهب الي شركة ميرا هو وبدر وطلبوا مقابلتها 

ميرا=أمير.....اهلا بيك 

ولكنه أمير نظر ليدها بتعجب ميرا لاحظت هذا وقالت=متخفش ده ضريبة حب صاحبك....اصل لما سيبتوا يوميها عملت حادثه بالعربيه واتسببت في بتر ايدي خالص بس حاليا بقيت أفضل....ممكن تقولي انت محتاجني في ايه 

أمير =ميرا علي بيحبك 

ميرا بغضب=أمير..... صاحبك كسرني وقت*ل ميرا البنت البسيطه اللي كانت بتحبوا ومستعده تقبلوا بقرفوا ثم مين قالك اني لسه بحبوا 

أمير =السلسله اللي فيها حرف A اظن دي بتثبت انك عمرك ما كرهتيه بس صدقني هو بقا شخص تاني \

ميرا وهي تضع يدها علي القلاده=دي هديه غاليه علي قلبي علشان كده مش قلعتها مش معني اني لبسها اني لسه بحبوا 

بدر =انتي مش تعرفيني اكيد بس صدقيني وضعك انتي وعلي ما هو إلا عند مشترك هايسبب وجع دائم انتي عمرك ما تحبي غيروا ولا هو حب حد غيرك اصلا...... بس الظاهر انكم اختارتوا الوجع طريق لحياتكم 

...يلا يا امير سيبها الألم ده هي عايزه تفضل فيه....لو كانت عايزه تتخطاه كانت جابتوا وصرخت في وشوا قد ايه هو وجعها لكن هي حابه تفضل في الوجع طول العمر 

ميرا=صدقني مش كده بس اللي عملوا انا مش قادره اتخطاه 

بدر =حاسبيه..... بس مش تقتليه بالبطئ وتوجعي قلبك ونفسك 

وقام أمير وبدر ورحلوا 

Back                                                  

##########################

وهنا نظر علي لها 

علي =تقبلي تكوني رفيقة الدرب 

أمير قاطعه =استني كده من غير خاتم ولا سلسله ولا اي حاجه 

علي بغضب=ما انت لو قولت يا فلح كنت جبت 

نظر أمير لبدر الذي غاب قليلا ثم عاد ومعه علبة حمراء يوجد عليها جمله باللون الذهبي وبارزه وكانت الجمله 

         (صديقة الطفولة هي رفيقة العمر )

امسكها علي وهو ينظر لأمير وبدر ويحتضنهم

علي =انتو اكتر من اخواتي انا بحبكوا اوي اوي اوي هاتوا بوسه 

نظر له كل من أمير وبدر 

أمير =لا اظبط كده..... وروح لحبيبتك جاتك القرف عيل عبيط 

بدر وهو يضحك =سيبوا ده باين عليه هو اللي هايموت ويتجوز 

ضحك الجميع واتم علي زواجه من ميرا كل هذا تحت ضي القمر الذي جمعهم جميعا 

تمت بحمد الله