سكريبت جديد من سكريبتات " حواديت ياسين وسدرة " بعنوان " أظافرك يا آنسة " بقلم ندى الحداد
- هناكل هناك عائشة مجهزه كل حاجه.
- لا عايز اكل هنا.
- اتكلمت وانا داخله الاوضه وبحط النوتس مكانها: ياسين مامتك مستنياك يا عنيا روحلها بقى.
- ماشي يا سدرة ماشي.
والله اللي يشوفنا من شوية يقول دول يطلع منهم كل ده.
- أبقى هاتلي بيتزا وأنت جاي وحياة طنط.
- مش هجبلك هاه وسلام بقى.
- راجل نكدي أوي.
- هتيجي.
- قدام الباب افتحي بقى.
- حاضر ثواني.
خرجت من المطبخ وروحت ناحية الباب وفتحته، كان واقف مبتسم ولابس بنطلون جينز أسود وتيشيرت أبيض وفوقيه چاكيت نفس نوع ولون البنطلون، وساعه سوده، وكوتش أبيض، ومسرح شعره لورا، طلته تاخد القلب بجد، وفـ ايده كيس أبيض وجواه علبه، ياتري فيها أي العلبه.
- اتكلمت بإعجاب: إي الشياكة والأناقة دي ياعم.
- وسعي بقى مفيش وقت للتتنيح.
بعدت عن الباب ودخل وسأل على الجده، مسألش عليّ، طب والله لو متقمصه ومش هسأل فيك بس.
ألقى التحيه وقعدنا، ومابصتش عليه، اصلًا لأني زعلانه.
- اتكلمت الجده: روحوا جهزوا الأكل يابنات.
- بصتله بغل وضيقت عيوني: عيشه بتجهز السفره ياجده.
- لاحظتني وقالت: مالك يا سدرة بتبصي لـ جوزك كده ليه؟
- ماكنتش سامعاها غير مركزه معاه هو، شاورت على رقبتي بعلامة السـ ـكين.
- سدرة بتعمليله كده ليه.
- ضحك بصوت عالي، للصراحه منكرش ضحكته حلوة أوي: ماتضحكش تاني.
- كتم ضحكته والجده اتكلمت: بنت انتي إي حكايتك.
- حكايتا على الله.
- واخيرًا هو نطق، كان من شوية منقطنا بسكوته: هرمونات يا جده هرمونات، انتي عارفه يا جده اتكلم وهو بيبصلي: سدرة مش بتعملي أكل ولا بتوافق تعملي أى حاجه.
- شقهت والجده اتكلمت: صحيح اللي بسمعه ده يا سدرة.
- خرجلي لسانه بدون مالجده تنتبه وفـ ثانيه اصطنع البراءه وقال: ايوة ياجده، حتى بصي اهي ساكته عشان عارفه انها غلطانه، طلبت مني اجبلها بيتزا وانا قولتلها من العين دي قبل العين دي، وهي قولتلها حضري أكل جعان قالتلي روح لأمك، شوفتي ياجده بنت أبنك بتعمل معايا إي.
- قومت بهجوم عليه وضربته فكتفه وصدره بإيديا: كداب كداب كداب كداب، بيكدب ياجده ماتصدقيهوش.
- بعدتني عنه وقالت وهي بتزعق: عيب كده يا سدرة، في واحده محترمه تعمل كده فـ جوزها.
- طب فين البيتزا بقى، قولتلي مش هجبلك.
