سكريبت جديد من سكريبتات " حواديت ياسين وسدرة " بعنوان " أظافرك يا آنسة " بقلم ندى الحداد
- شاور على الكيس اللي محطوط على الترابيزة: اهي.
مسكت الكيس وفتحته وفعلًا جاب بيتزا، وكمان شويبس وشيكولاته، ياه يا ياسين اما أنت بتعرف تجيب الأمور لصالحك أوي.
- اهو بصي ياجده جبتلها الأكل اللي بتحبه واللي مابتحبهوش عشان ماتقولش إني حارمها من حاجه.
- اتكلمت بعتاب: ليه يا سدرة مابتعمليش اللي جوزك بيطلبه منك، الولد مش حارمك من حاجه.
- ياجده اسمعيني أنـ..
- ماكملتش كلامي واتكلمت هي: سدرة.
- نعم.
- روحي حضري الأكل مع عائشة.
- دبدبت برجلي فالارض شبه العيال الصغيره: ماشي، وأنت هوريك.
الجده زعلت والموضوع قلب بجد، مابدل مكان هزار، إي الرخامة دي.
حضرت الأكل واحنا بناكل قال للجده إنه كان بيهزر، واعتذرلي وماقبلتش اعتذاره، ماهو مش هقبله بالسهل كده.
خلصنا أكل وعائشة شرطت عليّ أشيل الأكل واغسل المواعين، لا قادره بجد، شلتها وهو ساعدني فـ شيل الأكل وغسل المواعين، عمل مجهود وساعدني، بس بردو اعتذاره مش مقبول.
- خلاص بقى كنت بهزر.
- حكمت غضى الخلاطه وشغلته: اعتذارك مقبول بس بشرط.
- قال بقلة حيله، ماهو خلاص جاب آخره: شرطك.
- نخرج ونعمل سيشن ونتعشي بره ونروح اماكن حلوة.
- آه آه كنتي تقولي كده من الصبح، عارفك انا بتلفي وتدوري عشان كده، مش هنروح.
- طب كده بقى، مش هقبل اعتذارك بس.
- يا سدرة خلاص بقى.
- قولتله وانا بصب العصير فالكوبايات: هتخرجني.
- حاضر هخرجك وهعمل كل اللي انتي عايزاه.
- بجد بجد.
- اخد كوباية العصير: بجد.
- ياسين.
- عيوني اتفضلي.
- واحنا بنتمشي فالجو القمر ده ماتجبلي آيس كريم إلهي يسترك.
- حاضر ياستي، أى أوامر تانية.
- لا.
جاب اتنين آيس كريم واحنا ماشيين كان فيه شجر مانجا عالطريق، عيوني لمعت وابتسمت كده، مانجا ياه على الطعامه.
- جريت ناحية الشجرة وجيت اقطف منها مسك ايدي وشدني
: هتعملي إي.
- هاخد مانجا، اوعي ايدك.
- حر/ام، حر/ام انتي كده بتسرقيها.
- بس دي على الطريق عادي، مفهاش حاجة لو اخدت.
- لا حرام، لأن دي ناس بتكون زرعاها وماينفعش ناخد منها بدون أذن صاحبها.
- ماهو صاحبها مش قاعد عشان اقوله، شغل دماغك شوية.
- شاور على بيت قصادنا: اُمال ده إي.
- ماكنتش منتبهه للبيت، بس دلوقتي انتبهت له: هروح اقولهم.
- ضر/ب على راسه بتعب: يابنتي فرهدتي أمي، الساعه اتناشر دلوقتي، تروحي ازاي للناس وتطلبي منهم فوقت زي ده.
- بعدت ايده وجريت للباب ولسه هخ/بط لقيته ش/د ايدي: يابنتي بقى.
- استني بس، هقولهم.
- تعالي وانا هشتريلك.
- رجعت وبصيت فعيونه، ماهو لازم اشوفه بيكذب ولا لا: بجد.
- بجد، والله هجبلك.
كملنا مشي وانا كل ما الاقي شجرة مانجا أجري عليها وهو ميوافقش اخد منها، لحد ماشوية وكان هو هيروح يخب@ط على البيت عشان يجبلي ويرتاح.
