سكريبت " بقلم ريم خالد "

_والمشكلة الكبيره أن اللي مزعلك أبن الغالي برده..

" أبتسمت بهدوء، جدو عبد الرحمن جدي أنا وعُمر بما أننا ولاد عم وتقريبًا متربين مع بعض في حضن تيته حياه وجدو يعني شربنا الحنيه منهم شُرب، وهو للحق عُمر كله حنيه ويمكن دا سبب وقوعي فيه، رفعت عيني ليه وأنا بقوله.."

_ سبب حُبي ليه أنه شبهك يا عبدو..

بصلي بهدوء وهو بيقولي _ بس أنا مبجرحش حبيبي..

_ وهو كمان مبيجرحش بس المشكله أني مش حبيبه..

رد بثقه_ المشكله أن مفيش غيرك حبيبه..

" سكتنا شويه وأحنا بنبص علي النيل لحد ما حسينا بعربيات بتتحرك ورانا وكانت عربيات الزفه بتاعتهم، وقفنا علي رجلينا وأحنا بنبص علي العربيات لحد ما شوفته من شباك العربيه وهو بيبصلها ومندمج في الكلام معاها وفي نفس الثانيه كان بيبص من الشباك جات عينيه في عيني وأختفت أبتسامه وبصلي بلهفه وأنا هربت بعيني منه لحد ما العربيه عدت، بعدها مد جدو أيده ليا عشان نمشي مسكت فيها وأنا بأخد نفسي وأتحركنا وراهم.."

" وصلنا في الوقت اللي تيته كانت بتنزل من العربية، أول ما شافتني جرت عليا وبصت في عيني.."

_ عبدو مفعوله عالي..

" بصلها جدو بغيظ وهو بيقولها.."

_ أنتي بتتكلمي عن كونجستال يا حياه هو اي اللي مفعوله عالي..!

" ضحكنا أنا وتيته وهي بتضـ ربه في كتفه.."

_ بس متتريقش عليا..

" مسك أيديها وهو بيضحك وبيقولنا.."

_ يلا خلينا نطلع الجو بدأ يبرد..

" كُنا لسه هنطلع سمعنا صوت عُمر ورانا وهو بينادي علينا، ملفتلوش وأنا بطلع علي السلم جري وجدو ساب أيدي وسمعت صوته وهو بيقوله.."

_ متناديش عليها تعبانه وعايزه تنام..

" مسمعتش رده كنت دخلت شقتنا وأنا بحط أيدي علي قلبي بوجع وبعد دقيقه تقريبًا لقيت تلفوني بيرن برقمه ضحكت بسخريه وأنا بقفله في نفس الثانيه رساله أتبعتت منه.."

_ ردي طمنيني عليكي..!

" فضلت باصه للرساله كتير ومردتش وقفلت التلفون خالص وأنا بدخل أوضتي بكل هدوء.."

" بعد حوالي يومين كنت بقفل باب شقتنا وأنا بحط حاجاتي في الشنطه بأستعجال لقيته قدامي وبيبصلي بغضب، حاولت أبتسم وأنا بقوله.."