سكريبت " بقلم ريم خالد "

" أختصر المسافه اللي بيني وبينه ووقف قدامي وهو بيقولي بغضب.."

_ متطلعيش جناني عليكِ قولت تتنقلي من التيم دا يعني تتنقلي..

" زقيته بعيد عني وأنا بقوله بعصبية.."

_ عُمر فوق لنفسك مش من حقك تقولي أعمل اي أنا مش صغيره وعارفه حدودي كويسه..

" قرب مره تانيه وهو بيبص في عيني بنظره قويه.."

_ لا صغيره ومن وأنتي بضفاير أنا اللي بقولك تعملي اي ومتعلميش أي، يعني أنا ليا كل الحق حتي لو عارف حدودك.

" ربعت أيدي قدامه وأنا برفع حاجبي وقولتله.."

_ وأنا خلاص بأخد منك الحق دا ومش عيزاك تتدخل في أي حاجه تخصني، أنا ليا أب وليا جد كمان هما اللي مسموحلهم يقولوا اللي عايزينه، وبعيدًا عن كل دا أنا موجوده وعارفه أنا بعمل أي، الرساله وصلت..؟

سأل بترقب_ يعني مش هتتنقلي من التيم..؟

رديت ببرود _ ما قولنا لأ..

" كان بيبصلي بغضب جحيمي لدرجه أني خوفت منه، ومشيت من قدامه بخطوات تشبه الجري تقريبًا، اول ما قفلت الباب جريت علي السلم لحد ما خرجت من البيت وأنا بضحك بأنتصار، شويه ولقيت جدو بيرن عليا أول ما رديت قالي بزعيق.."

_ كل حاجه أتكسرت في الشقة هتتحملي مسئولياتها أنتي والكلب التاني..

" ضحكت وأنا بقوله.."

_ كسر كل حاجه..!

رد بغيظ_ دا كان ناقص يكسرني أنا وحياه..

" ضحكت جامد وأنا ماشيه في الطريق، وسمعت صوت تيته من بعيد وهي بتقوله.."

_ قولها أنه كسر قلايه البيض بتاعتي..

_ ايوه صح وكسر قلايه البيض بتاعت حياه..!

" أتكلمت بصدم#مه مصتنعه.."

_ أي وصلت لقلاية البيض..!

_ تخيلي..!

" قالها وضحك وأنا ضحكت معاه لحد ما سكت وهو بيتكلم بجديه وهدوء.."

_ أنا مش هقولك أنتي قولتيله كدا ليه ولا هقولك مينفعش عشان أنتي عارفه أنه مينفعش وأنه بيقول الكلام دا من خوفه عليكي، بس هقولك حاجه واحده بلاش مصطفي وبلاش التيم دا..

_ جدو التيم بجد محترم وأفكارهم كويسه جدًا، ولو علي مصطفي أنا بعرف أوقفه عند حدوده وهو لحد دلوقتي مصدرش منه أي رد فعل مش كويسه بالعكس..

_ أنا قولتلك نصيحتي ي ريم وأنتي كبيره كفايه أنك تعرفي مصلحتك وبرده هقولك أن جدو في ضهرك مهما حصل حتي لو كسرني أنا وحياه..

" ضحكت وأنا بقوله.."

_ هتضحي بحياه عشاني يا جدو..!

رد بلهفه _ لا مش للدرجادي دا أنا أضحي بيكم في العيد ولا أضحي بحياه..

رديت بمشاكسه_ دا أهل الحب صحيح مساكين بقا..

_ مساكين أوي والله..

" ضحكت وهو بيقفل معايا كنت وصلت للجامعه وقابلت التيم بتاعي عند الكافتيريا وقعدنا مع بعض بنتناقش في المشروع بكل هدوء، لحد ما قطع نقاشنا زميلة لينا وهي بتقولي.."

_ ريم دكتور محمد زهران عايزك في مكتبه..

رديت بأستغراب_ ليه..!