سكريبت " بقلم ريم خالد "
_ تمام ي ريم انا هخرج منها فعلًا، بس أقسم بالله لو حسيت أن مصطفي بيحاول يقرب بأي طريقة من الطرق رد فعلي ساعتها مش هيعجبك..!
سألته تيته فجأه بخبث _ وأنت مالك يا عُمر يقرب، يبعد أي اللي مزعلك..!
رد بعصبية _ نعم دا أنا مالي ونص، دا أنا أروح فيكوا في داهيه..
رديت بتحدي _ حتي لو عايز يتقدم رسمي..!
" لقيتهم التلاته بصولي بصدم#مه انا كدابه هو مطلبش بس معرفش ليه طلعت مني كأني بختبر رد فعله، أبتسمت بخبث لما لقيت نظرته أتحولت لغيظ وهي بيقولي.."
_ هو قالك كدا..!
رديت بدلع _ مقالهاش صريحه بس كان بيلمح يعني..
" حسيت بأنتفاضه جسمه من العصبية وهو واقف قدامي وعينيه اللي بدأت تبص في عيني بنظره غريبه، فوقنا من اللي كُنا فيه علي خبط هادى علي الباب مسح عُمر علي وشه بهدوء كانت تيته راحت فتحت الباب وسمعت صوت هادي بيسأله بقلق.."
_عُمر انت كويس..!
" لفلها بصدم#مه وهو بيقولها.."
_ مي أنتي بتعملي أي هنا..!
ردت بخوف _ قلقت عليك عماله برن عليك من الصبح مش بترد عليا، ودورت عليك في الكليه كلها ملقتكش..!
" مسك أيديها بهدوء وهو بيقولها.."
_ معلش حقك عليا مسمعتش التلفون..
" كنت واقفة ساعتها اتنفاضت جسمه أتحولتلي من الغيره والعصبية، لقيته بيبصلي ورجع بصلها وهو بيشدني عليهم.."
_ أعرفك بريم بنت عمي وصاحبه عمري..
" بصتلي من فوق لتحت وأنا كذلك واترسمت أبتسامه سمجه علي وشها أو يمكن أنا اللي تخيلتها كدا وهي بتقولي.."
_ أهلًا..
رديت برخامه_ وسهلًا..
" حسيت بجدو بيخبطني في جنبي وهو بيبرقلي، حاولت مضحكش وأنا بقولها.."
_ أقصد أهلًا بيكي..
" أبتسمت وهي بتهز رأسها وبصت لعُمر وقالتله.."
_ كنت واعدني نتغدي برا أنهارده مش يلا..
" ابتسملها أبتسامه خفيفه وهو بيقولها.."
_ اهه يلا بينا..
" مسكت في أيده بعد ما ودعت جدو وتيته وكانوا لسه هيخرجوا من الباب تلفوني رن وقولت تلقائي بأستغراب.."
_ مصطفي..!
" رفعت عيني ليه كان وقف فجأه وهي ماسكه في أيده وبيبصلي بنظره مُبهمه، أبتسمت جوايا بأنتصار وأنا برد علي التلفون وبدخل البلكونه وشايفه نظراته متبعاني، دقيقه ولقيت حد واقف ورايا لفيت بخضه كان واقف بيبصلي بتركيز، بلعت ريقي بخوف وأنا بكمل كلامي.."
_ تمام يا مصطفي نتقابل بكره أحنا والتيم عشان نبدأ في المشروع اللي أتفقنا عليه..
" سكت شويه بسمع مصطفي وأنا ببص في عين عُمر اللي كان واقف حاطط أيده في جيوبه وبيبصلي بتركيز، بعدت عيني عنه وأنا برد علي مصطفي.."
_ لا متقلقش أنا كويسه، نتقابل بكره..
