سكريبت " بقلم ريم خالد "

_ صباح الخير..

_ أنتي عملتيلي بلوك..!

" بربشت بعيني بعدم أستيعاب وأنا بقوله بتوتر.."

_ وأنا هعملك بلوك ليه..؟

_ أسألي نفسك اي التجاهل اللي حصل من يوم الخطوبه دا، لا بتردي علي أتصالاتي ولا رسائلي ولا بشوف وشك في أي يا ريم..!

" قال آخر كلمه بأنفعال حقيقي وعينيه محمره من العصبيه، أتنهدت بهدوء وأنا بقوله.."

_ خطيبتك أولىٰ بالاهتمام دا يا عُمر مركز معايا أنا ليه..!

" هرب بعينيه مني وهو بيقولي بعصبية.."

_ أنا طول عمرى كدا مش حاجه جديده..!

رديت ببرود _ وأنا بعفيك من دا أهتم بخطيبتك..

" قولتها وأنا بعديه، مسك أيدي قبل ما أنزل أول سلمه وهو بيقولي بغضب.."

_ ريم بلاش الأسلوب دا..!

" شديت أيدي منه بهدوء وأنا بقوله.."

_ عُمر لازم الأسلوب دا وأتعود عليه عشان خطيبتك علي الأققل..

رد بعصبية مبالغه_ هو أنتي مش ملاحظه أن كل كلمه حاطه فيها خطيبتي هي ذله ولا أي..؟

" ضحكت وأنا بقوله.."

_ ياعم مش ذله بس بفوقك لا تكون ناسي..

" كان بيبصلي بنظره غريبه وبعدها قالي.."

_ أنتي مستفزه..

ضحكت _ دا من ذوقك..

" بعدها سيبته وانا نازله عند جدو اللي فتح الباب وهو ماسك قلايه البيض ومبتسم وقالي.."

_ صباح السُكر يا سُكر..

سندت علي الباب وأنا بقوله_ صباحك سُكر يا عبدو..

"كان لسه جدو هيوسع عشان أدخل، لقيته وقف جنبي وهو بيقول لجدو بأختصار.."

_ صباح الخير يا جدو..

" رد جدو بهدوء وهو بيبصلنا بأستغراب.."

_ صباح النور خير يارب..

"ووسعلنا السكه عشان ندخل كانت تيته بتحول الفطار، أول ما شافتنا أبتسمت وهي بتقولنا.."

_ آخيرًا هنفطر مع بعض وحشتوني..

" قرب كل واحد فينا وهو بيصبح عليها وبعدها قعدنا كلنا علي السفره وبدأنا الفطار وأنا ملاحظه نظراته ليا كأنه عايز يقول حاجه بس متجاهله، لحد ما أتكلم.."

_ هو مشروع التخرج بتاعك مع مصطفي..!

" حسيت اللقمه وقفت في زوري وأنا ببص لجدو اللي مستني إجابتي بلعت اللي في بوقي وأنا بقوله.."

_ عرفت منين..!

رد بغضب _ يعني صح..!

" أتملكني الغضب وأنا بقوله.."

_ أيوه صح أي اللي مزعلك..!

" ضـ رب علي الترابيزه وهو بيقولي.."

_ أنتي عارفه أنه عيل مش مظبوط ونظراته وحشـه..

رديت بغضب _ وأنا مالي وماله هو أنا هناسبه دا مشروع تخرج ومعانا كذا حد تاني مش لوحدنا..

رد ببرود _ آخر الكلام تروحي للدكتور تطلبي نقلك من تيم المشروع دا مفهوم..!

" بصيت لجدو كان بيأكل ومبيتكلمش، وقفت شلت شنتطتي وأنا بقوله.."

_ لا مش مفهوم وملكش حكم عليا مفهوم أنت..!