سكريبت " بقلم ريم خالد "
_ عرفت ساعه ما عينيها غابت عني باليالي، عرفت كتير في غيابها..
" فضلنا نبص لبعض شويه، لحد ما أنا قومت من مكاني وأنا بقولهم بتوتر.."
_ تصبحوا علي خير..
" مستنتش ردهم وأنا بنزل جري علي السلم، كنت لسه موصلتش لشقتنا وحسيت بعُمر بيشدني عليه وهو بيقولي بهدوء.."
_ بتهربي ليه..!
" أتنهدت وأنا بشد أيدي منه.."
_ عايز أي يا عُمر..!
" شاور بدماغه عليا وهو بيقولي بحُب.."
_ عايزك..
" بعدت عيني عنه وأنا بقوله بغضب.."
_ أنت لسه مكتشف أنك عايزني دلوقت بعد ما خطبت..! وجاي دلوقتي تكتشف أنك بتحبي ويمكن اللي أنت فيه كمان مش حـب يمكن تعود..
" قاطعني وهو بيقرب خطوه مني.."
_ أنا كمان كنت فاكر أنه تعود علي وجودك وخطبت عشان كنت متأكد أنها هتملى الفراغ اللي هتسيبيه، بس محصلش وأكتشفت أن محدش هيقدر يملى الفراغ دا لأن الفراغ اللي بتسيبيه مش بيبقي في حياتي بس قلبي كمان بيبقي فارغ من غيرك وجودك..
" كنت ببصله وأنا حاسه بقلبي فيه وجع غريب، أتنهدت بتعب وأنا بقوله.."
_ مينفعش الكلام بينا يا عُمر دلوقت طول ما أنت لابس دبلة واحده تانيه هي متستحقش منك كدا، شوف أنت عايز وقرر وتعلالي غير كدا أنا مش هبقى موجوده..
" قولتلها وكنت لسه هنزل وقف قصادي وهو بيقولي.."
_ يعني أي..!
رديت بهدوء _ يعني شوف أنت عايز أي يا عُمر أنا ولا هي عشان مينفعش نكون أحنا الأتنين..
" زقيته بهدوء من قدامي وأنا بنزل، أول ما وصلت لشقتنا لفيت أبص عليه لقيته واقف بيبص علي دبلته بتركيز أبتسمت بوجع وأنا بدخل شقتنا.."
_ بس هو دا اللي حصل..
أتنهد جدو بهدوء وهو بيقولي _ أنتي كدا رميتي الكوره في ملعبه لو هو لاعب حريف هيشوطها صح...
" ضحك وهو بيكمل كلامه.."
_ وهنغني سطلانه معاه كمان..
" سندت علي الترابيزة قدامي وأنا بقوله.."
_ تفتكر هيعمل أي يا جدو..
رد جدو بثقه_ هيعمل اللي قلبه يقوله عليه بس للاسف هيبقي في أذي لواحده ملهاش ذنب..
" أبتسمت بتوتر لحد ما تيته أتكلمت بثقه مشابهه.."
_ وأنا عارفه أن حفيدي لاعب حريف وهيشوطها صح ويطلع من غير خسائر كمان..
" ضحكت وأنا برجع رأسي لورا وبغمض عيني، شويه ولقيت عُمر بيقعد جنبي والمره دي ملامح وشه مرتاحه وعينيه رجعت لمعتها المميزه من تاني، سند خده على أيده وهو بيقولي بحُب.."
_ قررت ونفذت وجيتلك..
" أتعدلت في قعدتي وأنا بقوله بتوتر.."
_ عملت أي..!
" سند ضهره لورا وهو بيتنهد براحه وقالي.."
_ تفهمت الموضوع وقالتي أنها كانت ناويه تتكلم معايا عشان تلغي الخطوبه لأنها مش هتقبل تعيش مع واحد قلبه مع غيرها، وبتسلم عليكي وبتوصيكي عليا وبتقولك أني طيب وغلبان وخلي بالك مني..
رديت بتريقه_ قالتلك قولها أنك طيب وغلبان..!
ضحك وهو بيقولي_ بصراحه لأ دي ألفتها وانا طالع علي السلم..
" ضحكت وأنا بهز رأسي بيأس، سند علي خده مره تانيه وهو بيقولي بغمزه.."
_ مش هتأخديلي معاد مع الحاج..؟
" بصيتله بخبث وأنا بقوله."
_ هبقي أشوفلك معاد فاضي بعد ما مصطفي يمشي..
" أبتسامته أختفت وقام وقف وهو بيقولي بعصبيه.."
_ نعم عيدي اللي أنتي قولتيه تاني كدا..؟
" وقفت قصاده وأنا برد عليه ببساطه.."
_ بقولك هشوفلك معاد فاضي بعد ما مصطفي يمشي.!
" كان بيبصلي بصدم#مه، قرب جدو مني بسرعه وهو بيقولي.."
_ ريم أحنا في البلكونه يعني مفيش غيرك هيتكسر هنا عدي ليلتك..!
" ضحكت بخوف وأنا بقوله.."
_ أنت شايف كدا..!
" زعق عُمر من وراه بأسمي وهو بيحاول يوصلي، أتكلم جدو بخوف مصتنع "
_ أنا مش شايف غير أننا كلنا هنتكسر هنا..
" كنت لسه هرد كان عُمر شدني وقفني قدامه قولت بسرعه وانا بضحك.."
_ بهزر والله أهدي بهزر..
" بدأت ملامحه تهدى وهو بيبصلي بشك، رفعت حاجبي بهزار وأنا بقوله.."
_ ولما أنت واقع كدا ليه من الأول..!
" أبتسم ابتسامه هاديه وقرب خطوه مني وهو بيقولي."
_ عشان لقيتك بتعوضي وجود الكل لاكن مفيش حد بيعرف يعوض غيابك..
" رفع أكتافه وهو بيكمل كلامه.."
_ فأختارتك دونًا عن الكل..
أبتسمت بكسوف وأنا بقوله_ تمام أعتبر المعاد أتحدد..
" ضحك هو وجدو وتيته وأنا ببصلهم بكسوف، غمز لجدو بشقاوه وهو بيقوله.."
_ أي رأيك في التثبيت دا..!
غمزله جدو وهو بيقوله_ بأمانه غلبتني يا ولا..
" قالها وهو بيخبط علي كتفه بفخر، ضحكنا وتيته قربت مننا وحاوط جدو كتفها وقالتلي.."
_ مش قولتلك المستقبل مخبي عُمر..
" أبتسمت بهدوء وبصيت لعُمر كان بيبصلي بحنيه وهو بيتنهد براحه وأنا بغمض عيني بأمان..
نفس المشهد بيتكرر تاني وأنا بفتح عيني وعُمر واقف قصادي وهو لابس بدلة فرحنا وتيته وجدو وراه بيصولنا بحُب وتيته سانده دماغها علي كتف جدو، قرب عُمر خطوه مني وأنا بيحط أيدي في أيده وبيقولي.."
_ خُلق الجمال، لتختصره عيناكِ..
" أبتسمتله بهدوء وصوت أم كلثوم خرج كأنه بيكمل المشهد..!
وقابلتك أنت لقيتك بتغير كل حياتي..معرفش ازاي حبيتك.. معرفش ازاي يا حياتي.."
ريم خالد
