" حبيس الچحيم " بقلم محمد إبراهيم عبدالعظيم

 ممرض قالي ان الوقت متأخر وهو بالتأكيد مش موجود .. اصريت يكلموه وييجي يا اما هروح اعملهم محضر .

بسبب صوتي العالي جالي دكتور وقالي :

_ ممكن تهدى يا استاذ لو سمحت واتفضل معايا واعتبرني انا المدير اللي موجود .

مشيت معاه ودخلنا مكتب ولما قعدت قالي :

_ انا عارف اللي هتقوله ، وعارف انت شوفت ايه ، ايوة متستغربش ، اصلي كنت مكانك يوم من الايام ، لما جيت هنا سمعت من كذا حد موجودين هنا من زمان عن تخاريف واقاويل كتير عن ان الدور الارضي اللي في المستشفى مسكون وان محدش يجرؤ يركب الاسانسير بعد الساعة ١١ بالليل ، مصدقتش وقررت انزل وللاسف شوفت بلاوي وصدقت ، من وقتها وانا بحاول احل المشكلة دي وانقل المقرحة من تحت بس مش عارف .

قولتله پغضب :

= يعني انتوا عارفين وساكتين ، انت مش شايف ان بكدا ممكن حد يعوت بسببكم .

_ بسببنا ليه يا استاذ ، والمفروض ان اخر مواعيد الزيارة الساعة ٩ يعني قبل ساعتين من اللي بيحصل ، وكل اللي بيكون موجود بعد كدا الممرضين والدكاترة وكلنا عارفين ، وبعد الساعة ١١ بنقفل الابواب على المرافقين اللي بيكونوا مع المرضى .

= انت متعرفش انا شوفت ايه ، انا كنت ھمـ،وت  .

وحكيتله باختصار على اللي شوفته .

بص في الارض ، وبأسى قالي :

_ مصطفى توفيق عبد ربه كان من اعز اصدقائي ، وعم توفيق الله يرحمه ويغفر له هو اللي مربيني ، كان شغال في المشرحة ، عم لطفي اللي كان شغال معاه سمعه وهو بيتكلم مع حد ، لما نده عليه وعم توفيق مردش عليه ، دخل عم لطفي الحمام لقاه دابح نفسه ودابح القطة بتاعته ! .. بس ازاي انت شوفته وهو لسه ميـحت النهاردة الصبح !!

وسط كلامه افتكرت كلام علياء لما كلمتها قبل ما اجي وقالتلي ان الحكومة موجودة وان في حد انتحر ، اتضحلي انه عم توفيق ، وطبعاً هو صاحب الدرج الفاضي اللي انا شوفته وانا هناك ! .

ولما قولت للدكتور اني فضلت انادي على حد منكم لما الاسانسير عطل بيا .. أقسملي ان محدش سمع أي حاجة ، وان لولا مراتي كنت ھمـ،وت  .

عدى على الموقف ده شهور ، وصدقني انا محبوس هناك لسه ، شخصيتي بتتغير بالتدريج للأسوأ ، حاسس بشرخ او فجوة حصلتلي ومهما أعمل واحاول اعيش وانسى مبقدرش ، مبقدرش لانهم بيظهرولي كل يوم في احلامي ... حتى وانا بكتب اللي حصل دلوقتي ، شايف القطة بتقرب مني بعيونها الحمرا ، بتقرب مني وهي بتجرجر راسها وعلى وشها نفس الابتسامة الشېطانية اللي شوفتها وهي متعلقة في الأسانسير 

إدعولي أقدر أكمل حياتي بين الچحيم اللي انا فيه ده ، لاني بالفعل مازلت حبيس الچحيم .

تمت .

حبيس الچحيم .