" حبيس الچحيم " بقلم محمد إبراهيم عبدالعظيم

بس برغم كدا محطتش في دماغي كتير ، لقيت الأسانسير مفتوح ، دخلته وانا بقفل بابه ورايا ودوست على زرار الدور الارضي ، بالمناسبة الدور اللي ابني كان محجوز فيه كان الدور الخامس .

لما دوست على زرار الأرضي نوّر بس فضل الاسانسير واقف كام ثانية كدا وبعدها قفل ببطء ، في الوقت ده كنت ببص في الموبايل وبشوف حاجة عليه .

مكنتش مركز غير في الموبايل ، بس لما خلصت وحطيته في جيبي اكتشفت ان الاسانسير برغم اني واقف فيه اكتر من دقيقة انه واقف مكانه مش بيتحرك ! .

بصيت على الزراير لقيتهم كلهم مطفيين ، وزرار الارضي بعد مكان منور بقى مطفي ، دوست عليه تاني لكن مافيش اي رد فعل.

وبدأ الرڠب   يدب في قلبي بمجرد فكرة اني محبوس في اسانسير ، دا لاني عندي فوبيا من lلاماكن المغلقة ، كان في تليفون صغير متعلق فوق الزراير ، مسكته بتوتر ومبقتش عارف اعمل ايه ، ارقام موجودة بس مش عارف ادوس على ايه بالظبط علشان أتصل بحد يشوف المشكلة دي .

لقيتني بدوس على زيرو واستنيت لحظات وبالفعل رن ، فضل يرن شوية بعدها سمعت صوت من النحية التانية ، بمجرد مسمعت كدا قولت :

_ أ أ أألو ، لو لو سمحت انا بس محبوس في ال ااااااا .

كنت بتكلم بتوتر وخۏف وكاني مستني حد يرد عليا لكن سكت فجأة لما سمعت صوت صـ،ـرخة بس جاية من بعييييييد اوي ، فـرخة كان صـ،ـرخة واحدة بتولد .

بالفعل اتأكدت من كدا لما بدأت أسمع صوت لطفل بيظهر بعد الصـ،ـرخة بلحظات .

فضلت اقول ( الو ، الو ) .. مافيش رد ، اضطريت اقفل واتصل تاني ، في الوقت اللي يا دوب حطيت السماعة وقبل ما ارفعها تاني النور قطڠ في الاسانسير والهواية اللي موجودة اتطفت وزاد الرڠب   اكتر جوايا .

تلقائي بدأت أصرخ بصوت عالي بعد ما حسيت ان الاكسچين اللي حواليا بينقص وبدأت أخد نفسي بالعافية .

فضلت اتشاهد وحرفيا شريط حياتي اتعرض قدامي ، وانا عمال اخبط بكل قوة على الباب الحديد بتاع الاسانسير لعل وعسى حد يسمعني .

الاسانسير كان طويل واخره مرايا كبيرة ، رجعت بضهري وجريت بسرعة وخبط الباب بكتفي وكانت فكرة وحشة جداً لاني بدات افقد السيطرة على افعالي وانفعلت اكتر وده سبب اني فضلت انهج نتيجة ان الهوا قل من حواليا أكتر .

وقعت على ارضية الاسانسير وقلبي بيتنفض ، باصص فوق وقولت خلاص انا بقوت ، استسلمت وغمضت عيني ، بس فتحتها بعد لحظات ببطء لان وسط اللي انا فيه ده ، بدات اسمع صوت تزييق .

عارفين الصوت اللي بيطلع لما بيكون في بخار على ازاز المرايا وبتيجي تمسح البخار بإيدك ، صوت التزييق اللي انا سمعته كان شبيه للصوت ده جداً .

بصيت على شمالي تجاة المرايا مكنش في أي حاجة ، بسبب اني فضلت في الضلمة