سكريبت ( عوده ) بقلم إيمان شلبي
المحتويات
وانا بهمس بۏجع
متنسبنيش ياجاسر انا بحبك
سمعنا صوت حد بيضحك من ورانا لفينا لقيناه عمي واقف ومربع أيده وهو بيبصلنا بسخريه
ارجوك ياعمي ارجوك متسافرش
حاوط وشي بخبث
رديت بدموع وتوتر
ط طب خلاص م ممكن انت وطنط فتحيه تسافروا وتسيب جاسر وشيماء يعيشوا معانا لحد ما ترجعوا
احنا مش هنرجع
بعدت خطوه لورا وانا بسأله پصدمه
يعني هنعيش هناك علي طول
بس ب بس
انا مش هسافر في أي مكان يابابا
يعني ايه مش هتسافر
فرك أيده بتوتر وخوف
ي يعني يعني انا مش عايز اسافر انا عايز افضل هنا
مش بمزاجك هتسافر ڠصب عنك
لا لا لا مش هسافر انا بحب هنا وعايز افضل هنا عشان لما نكبر اتجوزها
حب ايه وكلام فاضي ايه انتوا لسه مفاعيص مطلعتوش من البيضه
انا مش صغير يابابا انا عندي 15 سنه
رد بسخريه وهو بيطبطب علي خده
معلش مجرد مشاعر مراهقين وهتروح لحالها
ساب أيده وبصلنا بتريقه
اسيبك تودع هنون بنت عمك
قرب مني وهو بيحط وشه في الأرض
انا اسف صدقيني انا بحبك اوي ومش هقدر اعيش من غيرك
رفعت راسي فجأه
جاسر
نعم
انا عايزه صوره ليك
مسح دموعه ورد باستغراب
ليه
عشان ع عشان ...
مكنتش عارفه اقول ايه
كنت متوتره ومحتاره وقلبي واجعني
كنت حاسه بمشاعر كتير متلغبطه
لكن اللي اقدر اقوله انها كانت مشاعر مفيش اسوء منها علي الاطلاق
فتح محفظته وخرج صوره ليه وهو بيحطها في أيدي وبيبوس راسي بحزن
هتوحشيني
رفعت عيني وانا ببص في عيونه بدموع
وانت كمان هتوحشني اوي ا أوعي تنساني
هز رأسه پقهر وابتسامه حزينه ملهاش روح
مقدرش
اوعدني انك هتحاول ترجع
اوعدك
باك
فوقت من ذكرياتي وانا برجع ابص علي صورته مره تانيه وبسأله بدموع
ياتري لسه فاكر وعدك ليا ولا نسيتني ياجاسر !
الفون بتاعي رن بصيت للرقم اللي بيرن بملل
اوف اووووف بجد بقاله تلت ايام يتصل ويسكت مش فاهمه انا ماله الاخ
حضرتك لو حزين روح اشكي للبحر اضطراب خواطرك متزهقناش !
مالك يابت بتكلمي نفسك شبه الهبله ليه
ابتسمت ابتسامه صفراء وانا ببص لشريف اللي دخل اوصتي
مقبوله منك ياروحي
قرب مني وسألني بجديه
مالك
رديت بملل وضيق
لا عادي خڼاقه كل يوم انا والست الوالده
انا بقيت بحس أن الخناقات دي دواء بتبقي مره الصبح ومره بليل !
رديت بعصبيه وصوت مكتوم بالعياط
انا زهقت اتخنقت من اللي بيحصل بجد وتعبت
اتنهد واخدني في حضنه بحزن
متعيطيش عشان خاطري
كنت لسه هرد عليه بس الفون بتاعي رن مره تانيه بنفس الرقم
والمره دي رديت وانا مقرره اطلع كل عصبيتي علي صاحب الرقم
انت عايز ايه يابني آدم انت لما بتتنيل تتصل وتفضل مخروس
سمعت صوت نفسه السريع وهو بيحاول ينطق زي كل مره لكن مبيقدرش وبيقفل في وشي
بصيت علي الفون اللي اقفل بغيظ وهبدته علي السرير
شريف باستغراب
في ايه
رديت بانفعال
معرفش انا اي القرف ده كل يوم يتصل ويسكت
هو مين!
معرفش رقم غريب
سكت لحظه وكأنه بيجمع ادله وبصلي وهو بيقفل عينه نص قفله
تصدقي انا في رقم برضو بيتصل بيا بقاله كام يوم ويسكت وبعدين يقفل في وشي
اتعدلت في قعدتي وانا ببصله بانتباه
اخره كام الرقم ده
٤٥
فتحت الفون بتاعي وانا بحطه في وشه
هو ده الرقم
اه هو معقوله يكون ....
سكتنا احنا الاتنين لحظه وبعدها بصينا لبعض بلهفه واحنا بنشاور بأيدينا وبنقول في نفس واحد
شيماء
جاسر
ليه لما انت ماشي
علقت قلبي بيك
سهرت عيوني تبكي
وقلبي مش ناسيك
طب كنت قولي يعني
لو يوم هتودعني!
كنت واقفه في البلكونه وحاطه الهاند فري بسمع شعر وانا بفتكر اللي حصل من ساعه بالتقريب
فلاش باك
شيماء
جاسر
بصيت لشريف وانا ببلع ريقي بتوتر
ت تفتكر هما
رد بحيره
بس ليه بيتكلموا ويسكتوا
ا اكيد ا اكيد في سبب
سكت لحظه وبعدها بصلي بضيق
تعرفي بدأت أحس أن كل اللي بنعمله مجرد سراب
قلبي اتنفض وانا بسأله پخوف
س سراب
بصلي ورد بجديه
حاسس ان انا وانتي بنضيع وقت كبير وفرص كتيره مننا علي حاجه ياعالم هتحصل أو لا !
احنا منتظرين ايه كل ده
تفتكري اصلا هما فاكرينا
تفتكري لسه فاكرين وعودهم لينا أنهم هيرجعوا
ولا كل حاجه اتغيرت لما سافرورا وشافوا حياه جديده وناس جديده
حياه مختلفه تماما عن حياتنا
انا وانتي من
متابعة القراءة
