سكريبت ( عوده ) بقلم إيمان شلبي
المحتويات
يمكن هي تزعلك شويه لكن للاسف دي حقيقه وواقع عمرنا ما نقدر نغيره
في أشخاص زي المړض مهما كان مقدار حبنا ليهم ومهما كان وجودهم بيفرق في حياتنا ومهما كانت قلوبنا متعلقه بقلوبهم لكن في النهايه هما مرض
جاسر وشيماء زي المړض في علاقتكم انتي واخوكي
لا انتي ولا شريف كنتوا هتقدروا تعيشوا معاهم بعد كل اللي حصل مهما كذبتي علي الناس ومهما قولتي انك مسامحه عمرك ما هتقدري تكذبي علي نفسك
ربنا خلقنا بنعمه النسيان ياهنا لولا النسيان مكانش حد قدر يستحمل فراق شخص عزيز عليه
مش بينسي شخص غير شخص تاني ياهنا خديها مني نصيحه وعن تجربه شخصيه عيشتها مع جوزي حاليا
رجعت البيت واول ما فتحت الباب كان في ضلمه
مش معقوله نايمين الساعه ٦ المغرب!
فتحت الفلاش بتاع الفون ولسه هخطي خطوه النور نور فجأه
وقفت في مكاني مصدومه من اللي عيني شيفاه
اهلي واهل كريم واقفين وكريم واقف في النص مبتسم ابتسامه لطيفه برزت الغمازه اللي علي خده الشمال
شريف واقف هو ومراته
صحيح نسيت اعرفكم
اصل كريم اتجوز من شهر ومش عشان يغيظ شيماء لا
هو بس اخد قرار أنه ينسي اخد قرار أنه يعيش حياته اللي كان موقفها علي شيماء حب بنت زميلته في الشغل قرر يخطبها ومن شهر اتجوز
وفي الحقيقه انا عمري ما شوفت شريف مبسوط بالشكل ده إلا لما لينا دخلت حياته
اتنهدت وانا بمسح دمعه من عيوني ويبتسم برقه اول ما كريم وقف قدامي ومسك ايدي وباسها برقه
كل سنه وانتي طيبه
رفعت عيوني ابص في عيونه بأمتنان
وانت طيب شكرا
ابتسم بلطف
انا معملتش حاجه
بصيت حوليا وانا ببتسم من بين دموعي
كل ده ومعملتش حاجه
اتنهد ورد بنبره كلها حب
لو بأيدي اجبلك نجمه من السما مش هتردد أبدا
معقوله
انتي تستاهلي كل حاجه حلوه
رديت من غير وعي
ربنا يخليك ليا
ويخليكي ليا
عملنا العيد ميلاد واتبسطنا وخرجنا نتعشي برا وفي الحقيقه انا لاول مره من مده كبيره اوي اكون مبسوطه بالشكل ده
احساس أن حد يفكر ازاي يبسطك ويعمل اي حاجه عشان يرضيك مفيش احن منه
احساس انك مرغوب احساس أن في حد متحمل كل عيوبك من غير ما يمل
احساس أن في شخص حنين عليك قادر يحتويك ويحتوي خۏفك وكركبتك وقادر يرتب كل ده بحب حقيقي كلها احاسيس ومشاعر متتعوضش
اخبارك ايه ياهنا
اتنهدت براحه وانا بسند راسي علي الشزلونج وببص للسقف
مرتاحه
الدكتور بابتسامه
يارب دائما بس ممكن اعرف السبب
نزلت راسي وانا ببصلها بابتسامه
كريم
ماله
لما روحت من عندك المره اللي فاتت رجعت البيت كان عاملي بارتي لعيد ميلادي
ابتسمت
كل سنه وانتي طيبه
وانتي طيبه
ها كملي
هو معقوله في شخص كامل
اكيد لا بس في أشخاص مريحه
كريم مريح اوي
وايه كمان
حنين بشكل ميتوصفش انا لما بدأت أفكر في كريم وابعد جاسر عن تفكيري لمده يومين حسيت اني ممكن ارجع احب من تاني
ديه خطوه كويسه جدا بس ايه اللي خلاكي تغيري فكرتك عن كريم من اسبوع واحد كده معقوله البارتي اللي عملها !
هزيت راسي بنفي
اكيد لا انا مش سطحيه اوي كده
اومال
بدأت اركز معاه ومع كل تصرف بيعمله علي أنه كريم مش جاسر
مش فاهمه
يعني انا طول ما كنت مع كريم كنت بفكر في جاسر وبتخيله دايما قدامي
لكن لما قررت افكر في كريم شوفت فيه شخص مختلف تماما عن جاسر
مختلف في ايه
في كل حاجه اصلا انا معرفش جاسر
متعرفهوش ازاي
يعني انا لما حبيت جاسر كنت صغيره اوي
كنت مراهقه وهو كمان تصرفاتي عن زمان تفرق عن دلوقتي
وانا حتي معرفش شخصيه جاسر أو تصرفاته لما كبر تبقي عامله ازاي مكانش لازم اسيب
متابعة القراءة
