سكريبت ( عوده ) بقلم إيمان شلبي
المحتويات
طويله وبص لشريف وهو بيتكلم بجديه
طبعا انا عارف اللي بيدور في دماغكم دلوقتي وانا موجود هنا النهارده عشان اجاوب علي كل الاسئله
وعشان الحواجز اللي اتبنت تتهد ونرجع زي زمان
ليه كل الغيبه ديه ليه مفكرتوش تسألوا ولو مجرد سؤال علينا
شريف وهو بيبص لشيماء بۏجع
بصيت لجاسر
ليه محاولتش عشاني
انتي لسه فكراني وبتحبيني زي مانا بحبك
جاسر بهدوء
عشان بابا كان معيشنا في كذبه طول الوقت
كذبه ايه
غمض عينه جامد وضغط علي أيده وهو بيتنهد تنهيده طويله وبيسكت
انطق ياجاسر كذبه ايه اللي بتتكلم عنها
بابا كان مفهمنا أن عمي مش كويس
اتنهد وسكت لحظه وبعدها رد باجابة صدمتنا حرفيا
بابا كان مفهمنا أن عمي تاجر سلاح
رديت بانفعال
بابا!!!!
شريف وهو بيضحك بسخريه
وانتوا زي العبط صدقتوا
جاسر بجمود
كنا صغيرين وقتها ياشريف وطبيعي اي بني آدم لازم يصدق أهله
شريف بعصبيه
وطبعا انتوا صدقتوا ابوكم وقررتوا تقطعوا علاقتكم بينا وقررتوا تبعدوا وتسبونا علي وعود كذابه وقررتوا تعيشوا حياتكم
جاسر وهو بيبلع ريقه بتوتر
ا انا
جاااسر زوجي اشتقت اليك ايها الوسيم
لفيت لمصدر الصوت شوفت بنت جميله بتقرب من جاسر وبتحضنه
الوقت وقف في اللحظه ديه
وقتها سمعت صوت قلبي وهو بيتكسر ميه حته
مكنتش فاهمه حاجه من اللي بتحصل
او مكنتش مستوعبه !
هو اللي بيحصل ده حقيقه ولا انا بحلم
شريف پصدمه
انت متجوز !
بعد البنت عنه وهو بيبصلنا وملامح القلق باينه علي وشه
ا انا ا انا
البنت بلكنه انجليزيه
من هؤلاء حبيبي
ا ا...
امي
لفينا مره تانيه لمصدر الصوت واللي كان صوت طفل صغير بيجري نحيه شيماء اللي اول ما شافته ملامحها اتوترت وبان عليها الخۏف
شريف بنبره مخنوقه بالعياط
امي
شيماء بدموع وهي بتبصله وبتهز راسها بهستريه
شريف ارجوك ارجوك متسبنيش و والله اللي حصل ده كان ڠصب عني وعن جاسر ص صدقني انا لسه بحبك و وجاسر كمان بيحب هنا بس ب بس بابا بابا الله الله يسامحه هو اللي أجبرنا ا ارجوك ياشريف ا انا اتطلقت والله اتطلقت قبل ما انزل علي مصر و
بلعت ريقها وهي بتحاول تتنفس وتكمل كلامها
و وجاسر جاسر كمان مش بيحب مراته هو قال إنه هيطلقها و و.....
شريف بجمود وهو بيقوم يقف وبيبصلي
يلا
جاسر وهو بيقوم يقف وبيمسك دراعه
شريف اسمعني ا....
نفض أيده وهو بيبصله بنظره تحذيريه
مفيش بينا كلام تاني يلا يا هنا
قال كلامه وهو بيسحبني من ايدي وبيخرج من الكافيه بأقصي سرعه يملكها وكأنه بيسابق دقات قلبه وقلبي المفتورين !
ها ياهنا وبعدين كملي
بصيت للدكتوره النفسيه اللي بتعالج عندها من سنه بالتقريب
اتنهدت وانا بهز راسي بدموع وبابتسامه باهته...
وبعدين كل حاجه انتهت
انتهت ازاي فهميني اكتر
رجعنا البيت حكينا لماما اخدنا كلام وجعنا
مرحمتش ضعفنا لكن في النهايه اخدتنا في حضنها وكلامها فوقنا
احنا نستاهل كل اللي حصل فينا نستاهل لأننا انتظرنا ووقفنا حياتنا علي ناس متستاهلش لحظه تفكير واحده !
تعرفي يادكتور
انا اتخطبت للعريس اللي كان من السعوديه
الدكتور پصدمه
معقوله
هزيت راسي بحزن
وافقت عليه
وافقتي بالعند مش كده
ايوه
وبعدين
بصيت قدامي وانا بتنهد بحيره
هو ممكن الإنسان يحب تاني
ابتسمت ابتسامه لطيفه وهي بتسند ايديها علي المكتب
وليه لا
كريم شخص مفيش منه
كريم خطيبك!
ايوه
وضحي اكتر
ابتسمت ابتسامه شارده
حنين اوي لطيف جنتل متفاهم فوق ما تتخيلي متحمل مني تصرفات محدش يقدر يتحملها
اي بنت في الدنيا تتمناه بس للاسف البنت دي مش انا
تعرفي انا اوقات كتير اوي ببقي عايزه أفسخ الخطوبه بس برجع وبقول لا انا مش هظلمه معايا وخاصه أنه بيعمل كل حاجه واي حاجه عشان يرضيني
الدكتور بعقلانية
لو شايفه انك هتظلميه معاكي متكمليش
بصيتلها باستغراب
تعرفي انك اول حد يقولي كده !
متجيش علي نفسك عشان حد في النهايه انتي اللي هتعيشي مش حد غيرك وانتي اللي هتتألمي وانتي اللي هتضطري تأقلمي نفسك علي وضع انتي مش حباه عشان متظلميش حد فهتظلمي نفسك
لو شايفه انك لسه بتحبي جاسر يبقي متظلميش كريم ولا تظلمي نفسك
طول ما جاسر جواكي وفي قلبك عمرك ما هتبنهري بأي فعل يعمله كريم حتي لو جابلك نجمه من السما
بصيتلها بتوهان
طب ما أنا كده كده عمري ما هنسي جاسر
بصي يا هنا هقولك علي حاجه
متابعة القراءة
