سكريبت ".. نحن والقمر جيــران.." بقلم ريم خالد
رد عُمر بهدوء_ أيوه الحمد لله بعد ما مشيت من عندك سلمت كل الادلة اللي معايا وبدأوا يقعوا واحد ورا التاني لحد ما خلصنا من الحمله اللي كانت معموله ضدنا وضد بلدنا وعدت علي خير وأتقفلت الجريدة دي للأبد..
"هزيت رأسي ورديت بهدوء.."
_ تمام مبروك..
إبتسم وهو بيقولي _ الله يبارك فيكي عقبال اللي في بالي..
" رفعت عيني ليه كان بيبصلي بخبث لحد ما أتكلمت طنط بحب "
_ خلاص ميبقاش قلبك أسود بقا..
" بصيتلهم وسكت شويه وبعدها أتكلمت بروقان.."
_ عشان خاطرك بس..
أبتسمت وهي بتقولي_ وحشتيني ووحشني طعم الشاي معاكي..
" بصيتلها وأبتسمت بهدوء وأنا بقولها.."
_ وحشتيني أكتر والله..
" قربت بكرسيها مني وهو بتقولي.."
_ طمينيني عليكي عامله اي وجوزك عامل أي..!
" ضـ رب عُـمر أيده فجأه علي الترابيزة جامد وهو بيبصلي، أتنفضت أنا ومامته في قعدتنا وأنا بصيتله بغضب.."
_ ما تقولي جوزك عامل اي..!
" بصيتله بغيظ ورجعت بصيت لطنط وأنا بقولها بأحراج.."
_ أنا مش متجوزه يا طنط..
" بصيتلي بصدم#مه وبصت علي عُمر اللي أبتسم وهو بيسند ضهره علي الكرسي، رجعت بصتلي وهو بتسألني.."
_ إزاي يعني..!
" بلعت ريقي وأنا بقولها.."
_ أنا اللي أخترعت موضوع أني متجوزه وأنه مسافر عشان أعرف أسكن في العماره، كنت بحاول أحمي نفسي من الناس اللي في عماره اللي مكانوش هيسمحوا أني أعيش في الشقة لوحدي لو مش في رقبه راجل زي ما بيقولوا..
" كانت بتبصلي بصدم#مه وقالت لعُمر.."
_ وأنت عرفت ازاي..!
ضحك وهو بيقولها_ ظابط انا ولا بياع بليله..!
بصتله وأنا بسأله بهدوء _ بجد عرفت ازاي..!
رد بهدوء وهو بيبص في عيني _ بحثت عنك بغرض أني أعرف مين هتبقي ساكنه قدامنا وماما هتتعامل معاها وأتفجأت انك مش متجوزه فضلت وراكي لحد ما فهمت أنك أتفقتي مع البواب عشان أصحاب العماره ميزهقوكيش بتركيزهم الزياده مع خطواتك، بالذات أنهم مش بيقبلوا أن حد أعزب يسكن لوحده، وأنا احترمت رغبتك وأتعاملت معاكي ولا كأني أعرف حاجه..
رديت بس@خريه_ دا أي البحث المكثف دا ماشاء الله..!
ضحك وهو بيقولي _ لازم عشان كنت أعرف أثق فيكي، وأعرف أمان أنك تدخلي بيتي ولا لأ..!
" كنت ببصله بضيق وهو بيبصلي بأبتسامه هاديه، لحد ما طنط ثريا سألتني بأستغراب.."
_ طب وأنتي ليه توقفي حالك كدا..!
أخدت نفس عميق وأنا بقولها_ كدا كان أحسن ليا وكان أسهل حل رغم صعوبته برده، انا أتعرضت
لمضايقات كتير بسبب الموضوع وآني بنت وعايشه لوحدي والاسطوانه دي، وكنت كل شويه أغير مكان سكن ليا، لحد ما لقيت الحل دا عشان أريح دماغي وأستقر في مكان بدل البهدله دي..!
