سكريبت ".. نحن والقمر جيــران.." بقلم ريم خالد

" طبطبت علي أيدي وهي بتبتسم، وفضلنا مع بعض لحد ما عُـمر وصل وخبط علي شقتي فتحت الباب وسمعتهم وهو بيهزر معاها وهي بتضحك بفرحه وأشتياق أنها شافته وكأنه كان غايب بقاله سنين.."

_ تصبحي علي خير يا ريم..

_ وأنتي من أهله يا طنط..

" بصلي عُمر وهز رأسه بتحيه وأنا أبتسمت بهدوء وأنا مركزه معاه ومع غمزاته اللي ظاهره من أبتسامته، بعد ما دخلوا قفلت الباب بالمفتاح وبصيت علي الدبله اللي في أيدي وأنا بخلعها وبحطها في جيبي وببص قدامي بسرحان.."

" عدي أسبوع علي وجودهم قصادي، كنت طول النهار مع طنط -ثريا- بنفطر مع بعض وبنقعد نحكي علي ما عُـمر يجي بقت جزء أساسي من يومي وملت الفراغ اللي كان مالي حياتي وحسيت في وجودها بوجود أمي، كنت قاعده في شقتهم شغاله بالتريكوه بتاعي وطنط في المطبخ، خبط الباب خبطتين وبعدها أتفتح وظهر عُمر وهو وشه تعبان، وقفت بخضه وأنا بقوله.."

_ عُمر مالك.!

" سيبت اللي في أيدي وأنا بقرب منه بقلق وهو بيبصلي بتعب، علي طلعت مامته من المطبخ وهي بتجري عليه.."

_ مالك يا عُـمر..!

_ حـ ادثه بسيطه يا أمي متقلقيش.

_ مقلقش أي، بسم الله عليك يابني..

" سند عليها وهو بتأخده لأوضته وبتحاول تفهم منه اللي حصل وانا متبعاهم بعيني، جات عينه في عيني كنت عايزه أقرب بس أتراجعت علي آخر لحظة، بدأت ألم حاجاتي عشان ميحصلهمش أحراج من وجودي، شميت ريحه حاجه بتتحـ رق جريت علي المطبخ وطلعت الكيكه من الفرن اللي كان تقريبا قلبت فحم، علي دخلتها وهي بتحط أيديها علي دماغها.."

_ لا إله إلا الله دماغي مبقتش فيا..

رديت بمهاوده_معلش حصل خير مش مهم..

" قربت بصت عليها وهي بتقولي بحزن.."

_ كانت حلوه والله ومكلفاها جامد لا إله إلا الله..

" شدت كرسي من بتوع المطبخ وقعدت عليه وهي بتعيط.."

_ أهدي بس بتعيطي ليه، محصلش حاجه في داهيه أهم حاجه أنتي وأن مفيش حاجه حصلت في البيت..

" رفعت عينيها ليا، طبطبت عليها وأنا بقولها.."