سكريبت ".. نحن والقمر جيــران.." بقلم ريم خالد
_ مكنتش ضامن أنهم يمشوا بهدوء بالذات أنك كنتي متوتره، فنطيت من شباك المطبخ للشارع هعمل أي..!
" بصيتله بصدم#مه وهزيت رأسي، كنت ببصلهم بتوتر لاحظوه مسك أيده مامته وهو بيقولهم.."
_ يلا يا أمي خلينا نروح شقتنا..
" مسكت أيده وقومته سند علي السرير بدوخه وهو بيمسك في أيديها وأنا متبعاهم بأنتباه، حسيت بجسمه مش متوازن ومامته مش قادره تسنده من اختلافه قوه جسمهم وطوله، جريت عليهم سندته وأنا بقعده علي السرير من تاني وبقولهم بهدوء.."
_ خليكوا أنهارده لحد ما تقدر تقف علي رجلك، محدش فينا هيقدر يسندك تاني أنت فرهدتنا أمبارح..
" ضحك بتعب هو ومامته، بعدت خطوه عنه وهو بيبص في عيني بنظره جميله، شويه أتكلمت مامته بأحراج.."
_ أحنا أسفين لو هنعملك مشاكل مع جوزك بس أنا ممكن أتكلم معاه وأفهمه عشان بس سوء التفاهم دا..!
" بصيتلها بتوتر وبصيت عليه كان بيبصلي وهو مضيق عينه، عدلت طرحتي علي شعري وأنا بقولها.."
_ لا متقلقيش أنا أنا هكلمه وأفهمه وهو إنشاء الله يتفهم يعني..
_ ربنا يصلح الحال يابنتي..
" أستأذنت منهم من أرهاقي ودخلت الأوضة التانيه وأنا بقفلها بالمفتاح، رميت نفسي علي السرير وأنا بفكر في كلامهم لحد ما روحت في النوم من التعب، صحيت علي صوت خروشه في الصاله وكأن حد بيتألم، أول ما طلعت لقيته واقف قدام المطبخ وحاطط أيده علي بطنه، قربت منه بحرص وأنا بقوله."
_ عُمر مالك..!
" بصلي بأحراج وهو وشه باين عليه التعب وقالي بأسف"
_ آسف أني خرجت بس محتاج أشرب وماما نايمه تعبانه..
" هزيت رأسي بلهفه وجريت شديت كرسي من بتوع المطبخ قعدته عليه وجبتله مايه.."
_ أنت حاسس بأيه دلوقت..!
_ أنا متجاهل أي حاجه دلوقتي في سبيل أني أخلص الموضوع دا..
" هزيت رأسي بهدوء ومتكلمتش، رفع عينيه ليا وهو بيقولي.."
_ أقتحمنا هدوء حياتك وقلبناها معلش..
ضحكت وأنا بقوله_ شويه أكشن ينعكش الهدوء دا مش هيحصل حاجه..
" ضحك علي كلامي بهدوء وهو مستمر في تركيزه عليا، أتوترت منه وأستأذنت منه وأنا بدخل أوضتي بسرعه وأبتسامه غريبه أترسمت علي وشي وأنا بحط أيدي علي وشي بكسوف.."
