سكريبت ".. نحن والقمر جيــران.." بقلم ريم خالد

_ طمينيني بس علي عُـمر عامل اي..؟

ردت بتوتر _ تعبان الحادثه كانت جامده باين..

_ ألف سلامه عليه ربنا يطمنك..

" كنت عماله بظبطلها المطبخ من البهدله اللي حصلت فيه وهي بتحاول تبعدني بس كنت حاسه برعشه جسمها وأنها مش قادره تتحكم في أعصابها.."

_ والله ما أنتي عامله حاجه..

_ متحلفيش عليا خلاص أنا خلصت..

" بعد شويه استأذنت مني تقوم تصلي، ثواني وكنت خلصت ولسه هطلع من المطبخ علي دخلت عُـمر خبطنا في بعض رجع لورا وهو بيتألم.."

_ أنا أسفه.. أنت كويس..؟

" غمض عيونه بوجع وهو بيقولي.."

_ كويس متقلقيش..

" بصيت عليه كان لابس بنطلون بيتي ولافف بطنه بحاجه كأن فيها جـ رح ومش لابس تيشيرت عليها، بعدت نظري عنه بسرعه.."

_ هو دا جـ رح..؟

أتوتر وهو بيرد عليا_ حاجه بسيطه..

" بصيتله بترقب ولاحظت أني ببص علي جسمه، بعدت وأنا بستأذن منه قبل ما أخرج قالي بنبره غريبه.."

_ ريم جوزك عامل اي..!

" لفيتله بأستغراب ورديت بهدوء.."

_ بخير ليه السؤال..!

" رفع أكتافه وهو بيقولي ببرود.."

_ جه في بالي مش أكتر..

" أبتسمت بتوتر وأنا بطلع من المطبخ بسرعه ومنها علي بيتي، أول ما دخلت حطيت أيدي علي قلبي اللي كان دقاته عاليه.."

نفس اليوم بليل كُنت قاعده قدام التلفزيون وقدامي شويه تسالي، سمعت خبط جامد علي الباب أتنفضت من مكاني وبصيت من العين السحريه كان عُـمر واقف فتحت بسرعه بقلق علي طنط ثريا، أول ما فتحت زقني لجوا وهي بيسند ضهري علي الباب وبيحط أيده علي بوقي وبيبصلي بتحذير، كنت ببصله بخوف وسمعت صوت عالي كأن حد طالع علي السلم بسرعه، وبدأنا نسمع همهمات مكنتش فاهمه حاجه من خوفي بس كان باين علي عُـمر التركيز، بصلي لثواني وبعدني عن الباب وهو بيقولي بتحذير."

_ ولا نفس..

" بص من العين السحريه وسمعنا صوت مامته وهي بتتكلم مع حد.."

_ لا حضرتك بتسأل علي حد غلط..!

_ أنا متأكد يا باشا أن دا بيته..