سكريبت " أم مع إيقاف التنفيذ " بقلم شيماء الصيرفي
_ نعم يا فروحة.
قربت مني وقعدت علىٰ رجلي وقالت.....
_ أنا بحبك أوي يا ماما فرح.
_ وأنا بعشقك يا احلىٰ بنوتة.
_ أقولك علىٰ سر.
قربت منها وقولت...
_ قولي.
_ أنا بحبك أكتر من ماما هاجر.
بصيتلها بزعل وأنا بلومها.
_ لا لا يا فروحة كِدَ غلط، المفروض ماما هاجر هي أكتر واحده نحبها في الدنيا دِ كلها، لو خيروك بين ماما وبابا لازم تختاري ماما، لأنها هي القلب الحنين، بتخاف عليكِ جدًا، تعرفي اني مهما حبيتك هيبقى حب ماما هاجر ليكِ أكتر؛ هسألك سؤال لو أنتِ تعيبتي مين اللِ بيسهر معاكِ أنا ولا ماما ولا بابا.
_ ماما.
_ أهو عشان تعرفي انها بتحبك جدًا؛ عارفة سيدنا محمد عليه افضل الصلاة والسلام.
هزت راسها ببرائه فكملت....
_ اهو سيدنا محمد أمرنا ببر الوالدين، خاصًا الام تعرفي ان عن أبي برده قال شهدت إبن عمر _رضي الله عنهما _ رجل يماني بيطوف بالبيت وقد حمل أمه وراء ظهره
و بيقول: إني لها بعيرها المذلل.... إن اذعرت ركابها ولم اذعر
ثم قال: يا ابن عمر هل تراني جزيتها قال؟: لا ولا بذفرة واحدة.
عارفة يعني إيه المعنى، يعني كان واحد شايل مامته وبيطوف بيها حول الكعبة، جه يسأل هل هو جزي والدته رد عليه وقاله ولا بطلقة واحده يعني فضل الام دَ كبير جدًا علينا.
برضو في حديث أخر عن معاوية بن حيدة _رضي الله عنه _ قال:"قلت يا رسول الله من أحق الناس بحسن الصحبة؟ فقال_ صلى الله عليه وسلم _أمك قلت: ثم من قال: أمك قلت:ثم من: قال: أمك قلت:ثم من قال: ثم أبوك ثم الأقرب فالاقرب"
عارفة دَ معنى إيه يعني لو تحبي تصاحبي تصاحبي مين وتحكيله أسرار أمك والرسول أكد تلت مرات وبعدين أبوكي وبعدين الأقرب فالاقرب فهمتي.
_ فهمت يا ماما فرح انا بحبك أوي، عشان أنتِ بتفهميني الحاجات اللِ بعملها غلط.
_ وأنا كمان بحبك جدًا بس زعلانه منك.
_ليه.
نزلتها من علىٰ رجلي وأنا بقول.....
_ مش أنا قولتلك قبل كِدَ أنك كبيرتي وبقيتي آنسة جميلة، متقعديش علىٰ رجل حد حتىٰ لو ماما أو بابا، ازاي بقا نسيتي وقعدتي علىٰ رجلي.
بصيتلي بطفولية وقالت...
_ آسفة نسيت مش هعمل كِدَ تاني.
_ ماشي يا حبيبتي، أدخلي بقا شوفي أيوب ومُحمد رجعوا من برة ولا لا عشان نعمل الحلقة.
