سكريبت " أم مع إيقاف التنفيذ " بقلم شيماء الصيرفي
_ الحمدلله يا حبيبتي، بس بلاش أبلة دِ يا هاجر دول ١١ سنة مش كتير.
_ لا كتير الاحترام حلو.
_ اللِ تشوفيه يا خاله، اذيك انتِ يا هاجر أخبارك ايه مش هنفرح بيكِ قريب.
_ قوليلها يا فرح عماله أقولها أنتِ لسه في شبابك وهي مش راضية.
_ ليه يا حبيبتي انتِ لسه وردة ليه تدفيني نفسك كِدَ.
_ أقولك ايه يعني، ما أنتِ عارفة كل اللِ ييجي يبقى عاوز خدامة لولادة.
_ طب لو اتقدملك واحد كويس، حالته المادية مرتاحة ومعندوش ولاد وعاوزك زوجة ليه هترضي.
_ ودَ الاقيه فين.
_ إيه رائيك في جاسر جوزي!.
بصولي بصد@مة ومش متخيلين سؤالي.
_ رائي فيه ازاي.
_ يبقى زوج ليكِ.
_ بس يعني حضرتك و......
_ أنا عارفة ان الفرق بينكم ١٣ سنة، بس صدقيني هو هيبقى متفهم معاكي جدًا، أنا مش بقول الكلام دَ عشان هو جوزي لا وربنا يعلم؛ جاسر هيعاملك بما يرضي الله ورسوله، هو عارف ربنا كويس ومبيسيبش فرض ؛ لو حابه ياخدلك بيت لوحدك براحتك لو حابه تعيشوا معايا البيت كبير وهيبقى ليكِ أوضة لواحدك، هيجيبلك كل اللِ هتتطلبي بيه، طبعًا أنا جيت أطلب منك طلب زي دَ لأنك عارفة إن ربنا ميزني عن أغلب النساء بعقمي، أنا نفسي أشوف ولاد لِــ جاسر وألعب معاهم، لو هتقبلي طلبي هكون أسعد شخص في العالم، ولو هترفضي فدا قرارك، بس صدقيني جاسر قلبه طيب اوي وهيحبك، غير كِدَ انتِ بإذن الله هتبقى أم ولاده يعني هتبقى غالية.
كانوا بيبصولي بعدم تصديق عرضي مفاجئ جدًا ليهم، أنا عذراهم بس بجد بتمنى هاجر زوجة ليه.
ردت مامتها
_ والله يا فرح عرضك مفاجئة لينا، بس هقول للحاج وهبلغك رائينا وطبعًا كلنا عارفين أخلاق الاستاذ جاسر.
_ شكرًا يا خالتي فكروا براحتكم.
سيبتهم ومشيت كنت بدعي إن هاجر توافق علىٰ جاسر؛ الحمدلله ما هي إلا ايام وتم الموافقة كنت فرحناله من جوه قلبي، رغم إن غروري كأنثي وجعني بس هو يستاهل أفرحله.
هاجر وافقت إنها تعيش معانا في البيت، كنت فرحانه لقرارها دَ، جددنا شوية حاجات في البيت عشان هي عروسة جديد وبرضو لسه صغيرة في السن من حقها تفرح؛ برغم إني كنت بتوجع من قلبي بس مينفعش أبقى أنانية أوي كِدَ.
تم الزواج بسرعة في أقل من شهر، يوم فرحهم كان أكتر يوم مؤلم مر عليا، يعني جاسر حبيبي ملك قلبي نايم جمب واحده غيري، كنت ببص لمكانه اللِ بينام فيه كل يوم وأعيط، أبص لمخديته ووجعي يزيد أكتر، ضميت رجلي لصدري وفضلت أعيط من غير صوت، كنت عارفة إنه إحساس صعب بس مش لدرجادي كنت موجوعة أوي.
فضلت حاضنه مخدته طول الليل بجاهد إني أنام بس أين النوم في يوم كهذا......
