سكريبت " أم مع إيقاف التنفيذ " بقلم شيماء الصيرفي
_ شاهده علىٰ كل كلامك دَ، كفاية لما بقيت عاجزة عمرك مقولتيلي حاجة تزعلني أو طلبت تتجوز،أنا اللِ قولتلك لو حابب تتجوز اتجوز بس تطلقني، معلشي بقا كنت لسه صغيرة.
مسحت دموعي وكملت....
_بس إن شاء الله ربنا هرزقك بكرم كبير أوي؛ بكرة بإذن الله الله هروح أخطبلك هاجر.
_ فرح صدقيني أنا ميهمنيش شكلها أي ست وخلاص يكفيني انتِ وبس.
_ لا لا يا جاسر متقولش كده حرام عليك، إستغفر ربك متنساش إن ربنا أمرك بالعدل بينا، لازم تحبها وتحترمها ؛ هاجر دِ زينة البنات وأهم حاجة هتبقى أم صالحة لولادك بإذن الله.
_ ربنا يباركلي فيكِ ويكملك بعقلك.
_ ويديمك ليا يا رب، هروح أصلي ركعتين قضاء حاجة عشان ربنا ييسر أمر جوازكم.
معرفش ازاي كنت متماسكه كِدَ وأنا بتكلم معاه مش انهارت زي المتوقع؛ بس أول لما وقفت بين إيد ربنا وسجدت، قوتي إنهارت فضلت أدعي ربنا بالصبر والثبات، طلبت منه يقويني ويربط على قلبي، فضلت أدعيله إن ربنا يتمم زواجه بزوجة صالحة ويزقة بالذرية اللِ تدخله جنان رب العالمين.
تاني يوم صحيت قبله، بصيت عليه هو نايم، اه الزمن غير شوية من ملامحه، بقا فيه كرمشة بسيطة جمب عيونه بس لسه بشرته حلوة ونضرة زي مهي؛ كنت ببصله وأقول لنفسي بكرة واحدة كمان هتشاركك فيه، هتصحي علىٰ ملامحه الجميلة ونظرت عينة اللِ قابله انها تدخل السعادة علىٰ قلب أي حد يشوفه.
تنهت تنهيدة طويلة كلها وجع، مسحت الدمعة اللِ نزلت من عيوني، قومت أجهزله هدومه عشان يروح الشغل.
_ أهلًا يا فرح نورتينا أخيرًا شوفناكي.
_ معلشي يا خالتي سندس حضرتك عارفة بقا المشاغل.
_ ربنا معاكِ يا بنتِ.
_ هاجر أخبارها ايه.
_ الحمدلله أديها قاعده أهو من وقت طلاقها مبتعملش حاجة، كلميها وعقليها يا بنتي عماله ترفض في العرسان.
_ طب ناديها.
_ حاضر.
دخلت جوه غابت لدقايق، رجعت هي وهاجر.
_ أهلًا اذيك يا أبلة فرح أخبارك ايه.
